Endrrat e mia
***
Ç’ngjyrë të kenë vallë ëndrrat e mia?
Të mundesha ti pikturoja,
ti jipja çdonjerës prej saj,
ngjyrën që unë dëshiroja.
***
T’ju jap ngjyrën e kaltërsive,
atyre që udhëtojnë,
rrugë të kenë qiellin blu,
horizontin ta pushtojnë.
***
T’ju jap ngjyrën e lirisë,
askush mos ti kufizojë,
të ngjallin dhe marrëzitë,
ëndrra…ëndërr të shikojë.
***
T’ju jap ngjyrën e dashurisë,
që strehon në zemrën time,
e kuqja që përgjëron,
asnjë ndjenjë mos jetë jetime.
***
Do marr penelin, do ta ngjyej,
në ngjyrat e shpirtit tim,
për çdo ndjenjë një ngjyrë ylberi,
për çdo ëndërr…përkushtim.
M. Ajdhoni
30/11/2022
“”””””””””””””””
Loja e petaleve
*******
Ulur të dy në një lëndinë,
me kamomil dhe margarita,
poshtë syve të diellit përvëlues,
të qytetit të gurtë ku u rrita.
******
Në sy i kam dy sytë e tu,
ato sy të pastra si kristali,
isha për ty shoqja e vogël,
ishe për mua..”ai djali”.
******
Të shihja tek lulet mblidhje për një,
sa bukur kurorë i thure,
një puthje në faqe ëmbël më le
dhe butë përmbi flokë ma vure.
******
Pastaj një lule more në dorë,
petalet shkëpusje ngadalë,
pëgjigje priste kureshtja ime,
“më do, s’më do”, ç’do dilte vallë.
******
“Më do” thoshte petali i fundit,
po mbi lule mbeti dashuria,
ato dy fjalë dhe sytë e tu,
vizitorët e netëve të mia.
******
Na ndau jeta shoku im,
na bëri dy të huaj,
po çiltërsinë e syve të tu,
në shpirtin tim e ruaj.
M. Ajdhoni
24/11/2022
“””””””””””””””””””
Μετάφραση:Maria Ajdhoni: Shiu i vjeshtës
Maria Aidoni: Shiu i vjeshtës
Po bie shi në shpirtin tim,
dhe zemra ime po thyhet si e çmendur,
një shi i qetë plot kujtime,
pas bubullimave dhe çdo gjëmime.
Shiu i vjeshtës me pika loti,
çdo qelizë shpirti ujitur me kujtime,
pasi i mblodha në pako
miq të zverdhur, të harruar në kohë
I kisha fshehur ato që kishin dhimbje,
gdhendur mirë në thellësinë e shpirtit tim,
por Vjeshta erdhi për të kërkuar,
dhe çelësin e gjeti kur shkëlqen.
E lypa vjeshtën kështu,
për të pastruar shpirtin tim të trazuar,
dhe Ylberi erdhi për të ndriçuar,
për të matur shtatë ngjyrat nga fillimi.
Përkthyes: Sofokles Exarchos
Long Island New York 19/11/2022
