Me datë 3 / ditën e Shtune në Muzeun Historik Kombëtar Akademia e Artit, Shkencës dhe Letrave “Mirëdita” organizoi takimin e përvitshëm duke vlersuar me çmime dhe tituj të ndryshëm Përsonalitete nga të gjitha Fushat dhe të gjitha Trevat Shqipfolëse .
FALENDERIM I PAMAT I AKADEMISË së ARTIT, SHKENCËS dhe LETRAVE “MIRDITA”, në veçanti kryetarit zoti Pjeter Marku & Aleksander Ndoja, për nderin që i bënë krijimtarisë sime duke më vlerësuar me çmimin e madh ” Gjergj Fishta ” , edhe pse në mungesê për arsye të forta përsonale. Një çmim me vlerë i pashlyer dhe i paharruar në fushën e letërsisë.
Ky është një event me vlera, që vlerëson dhe promovon vlerat e vazhdimësisë së artit të kulturës dhe më gjerë.
Respekte dhe suksese nga zemra AKADEMISË! Mirnjohje!
Revoltë shprtërore për vrasjen e gruas shtatzënë në KOSOVË ..!!
Ku është shteti?! Ku është shoqëria?! Ku është sistemi i drejtësisë?!
Duhet të ekzistojë dënimi maksimal për këtë lloj krimi, për kët turp që mos të ndodhë më.
Vritet femra, gruaja pa ndalë, sikur të ishte kafshë, madje dhe shtatzënë. Në gjithë botën shqiptarët shkojnë , por krimin ndaj gruas nuk e harrojnë , se nuk durojnë emancipimin e saj . Duhet ta pranoni dhe kur nuk ju duan femrat për çfarë do lloj arsye se nuk është fundi i botës, e aq më tepër kur ajo dhunohet se dashuria nuk mbahet me zor , nuk mbahet me plumba, kot nuk quhet marrdhënie .. pra me marrë e me dhanë dashuri. Ndryshe quhet pengmarrje .
Mësojeni dhe vareni veth në vesh, se nëse pëlqeni dikë, si të dashur, si të fejuar, si të martuar: “Mos e dhunoni, mos e vrisni vajzën, gruan”! Në qoftë se nuk e doni, nuk rrini dot me të, atëherë kërkoni divorcin dhe shpëtoni.
. Ti nuk vret vetëm vajzën që deshe, gruan që e bëre Nënë..!!!
Ti vret atë, vret fëmijën tënd, prindërit tuaj, prindërit e gruas, vret shoqërinë, miqësinë, gjithë familjarët e opinionin, vret veten edhe jetën e pa ngjizur akoma …..!!!
Ajo që ke në krahë nuk vritet, por Respektohet dhe mbi të gjitha Dashurohet! Nuk është prona jote. Nuk kë të drejtë t’i marrësh jetën askujt madje as vetes.
Jetën ta jep dhe ta merr vetëm Zoti.
Gjelina Maçi Keçi
“””””””””””””””””””
FESTË E SHQIPTARISË
Jam këtu sa vete toka
Me flamurin kuq e zi,
Ma shqyen tokën copa- copa
Në Ballkan jam Iliri.
Për këtë vend të isha nëna
Gjuha është metaforë e jetës,
Si fole është kthyer zemra
Jemi bijtë e së vërtetës.
Jam Sanxhaku dhe Topllica
Jam Leskova, Buna, Drini,
Pret Medvegja, Mitrovica,
Pret Presheva e Ulqini…
Vij nga Shkupi e Manastiri,
Më përcjell Berati, Vlora,
Kur shkel në Strugë te Dukagjini,
Flisnin shqip Ohri, Tetova…
Po shoh Artën dhe Janinën,
Në Prizren më krenon Sharri,
Lezha më kujton bashkimin,
Më gëzon dhe Lumëbardhi!
Trung i lashtë është copëtuar
Që nga Jugu në Veri,
Shpirt i kombit është plaguar
Ligjëron Mëma- Shqipëri.
Nëpër male e lugina
Bijtë e shqipes bëjnë besë,
Jehon vallja në lëndina
Me fisnikët djep më djep.
Midis jush gjej shpresën e madhe
Brez pas brezi mos harroni!
Çdo traditë na bën krenare
Pavarësinë përherë nderoni!
Me gjak brezash është flamuri
Flet e s’hesht jo historia,
Kombi ynë si palcë guri
Besën lidh mbarë vëllazëria!
Kujtojmë rrugën e lirisë
Çdo pëllëmbë lyer me gjak,
Kur vjen festë e Pavarësisë
Bekon bijtë në çdo bajrak.
Përkarshi të kam Prishtinë
Nusëron për bukuri,
Kam në zemër shqiptarinë
Që festojnë paqe e liri!
Nëse grindeni mos u ndani
Se armiku bën gosti,
Të gjithë bashkë ju do vatani
Si nëna mban fëmijën në gji.
Bekon festat me flamur
Mërgimtarët pret me mall,
Vendi i lashtë me gjuhë e kulturë
Nderon trimat dritë të rrallë!
Gjelina Maçi Keçi
