Askush s’te jep asgjë
Kur asgjë nuk të pëlqen,
kuptim jetës s’i jep dot,
përqafuar me jastëkun
dhe në shpirt një lumë me lot.
Kur rrëzuar je në tokë,
njësh me të edhe të shkelin,
mos kërko të hapen qiejt
edhe zgjidhjen të të sjellin.
Çohu mblidhi duart grusht,
hidhi hapat një nga një,
mbushe veten me kurajo,
se askush s’të jep asgjë.
Forcën gjeje brënda teje,
aty fshehet, nuk e di?
Të drejtën të ngrihesh prap,
e ke ti….dhe vetëm ti.
M.Ajdhoni
21/12/2022
“””””””””””””””””
Mos premto
Mos premto, mos e jep fjalën,
nëse atë s’e mban dot,
se dikë mund të plagosësh,
dikush mund të derdhi lot.
Se me shpresë kur mban të tjerët,
ti gënjen dhe veten tënde,
ndaj para se të hapësh gojën,
kaloje gjuhën në mëndje.
Mos përdor me vënd, pa vënd,
atë fjalën “përgjithmonë”,
se nuk e drejton dot jetën,
është ajo që të drejton.
Mos premto qiellin me yje,
nëse atë s’e zbret dot,
mos premto puthje prej ari,
mos e kthe mallin në lot.
