ATËHERË DO TË KUPTOSH
*****************************
Përpara se të gjykosh jetën apo karakterin tim , provo të veshësh këpucët e mia ,
Dhe vazhdo të ecësh mbi monopatet që unë kam shkelur ,
Aty ku rashë dhe u ngrita përsëri ,
Aty ku saherë kam qarë dhe kam qeshur ,
Dhe vetëm atëherë do kuptosh timen histori !
Nuk mund të gjykosh askënd në jetë ,
Karma e jetës nuk harron , ajo ti sjellë të gjitha ,
Sado të thuash se jam një lis i fortë me degë ,
Në jetë nuk mungon drita dhe as errësira !
Janë ato këpucë ,që sa herë edhe mbi plagë kanë shkelur ,
Ato janë testamenti i gjurmëve të jetës së jetuar ,
Ndoshta ato rrugë , tani duken si të flejtura ,
Por kurrë nuk mund të jenë të harruara !!
V.Z.13.6.2026
“”””””””””””””””””””
URIM DITËLINDJE
*******************
Sa shpejtë që ikën vitet si pa kuptuar ,
Dhe ti biri im , u rrite si i bukuri lastarë ,
Sot është dita që të mora për herë të parë në duar ,
Në baçen tonë të shpirtit , çeli një trandafil i bardhë !
Krahët mësove t’i shtrishë vetë si zogjtë në fluturim ,
Jetës pa përtim i jepje gjallëri ,
Çdo sukses i joti nuk dua të ketë perendim ,
Sepse çdo hap ti e hedh ngadalë , dhe me maturi !
Tani që u rrite , më je bërë psikolog përsonal dhe bisedojmë si dy shokë ,
Ti mësove pa frikë ta shikosh diellin në sy ,
Bekuar dita , që të solli në krahët e mi të ngrohtë ,
Prandaj sot nuk të uroj veç njëqind , por të uroj njëmijë !
Urime pafund nga Mami , Babi dhe vëllai Enrik ! Të urojmë shëndet , jetë të gjatë dhe plot bekime , suksese kudo në jetë dielli jonë Anest !!
“”””””””””””””””””””
NË DITËN BOTËRORE TË NËNËS !
Nëna : si flutura e pranverës mbi lule ,
E cila din të dhurojë gjithmonë mirësi ,
Nëna dashuri e pa kushte ,
Dielli që ngroh në çdo stinë !
Gjithë ngjyrat e shpirtit tek Nëna i gjenë ,
Ajo mendon njëlloj për të gjithë,
Terapia e çdo plage që të dhemb ,
E vetmja ajo që kurrë nuk të braktis!
Pa Nënë , shtëpia të duket bosh ,
Ngrohtësia humbet , nuk kupton se ku struket ,
Prania e saj në çdo kohë të ngroh ,
Dhe një jetë të tërë për ne lutet !
Prandaj mbetet mbretëreshë në këtë Botë ,
Sepse pa atë nuk ka lindje as përendime ,
Nëna është dielli që të josh ,
Nga ajo merr veç bekime !
Kudo që ato janë , paqin jetën e gjatë ,
Paqin bekimin e perëndisë ,
Dashuria e tyre nuk njeh afat ,
Nënat krijesë e gjithë njerëzisë
“””””””””””””””
TRE VJET PA TY !
U bënë tre vjet pa ty kunati im Hysen ,
As dielli nuk ngroh më ,si dikurë kur ishe ti ,
Edhe pranvera i ka ngadalësuar hapat e saji,
Malli dhe dhimbja na kanë hedhur rrënjë në gji ,
Sepse u tha një trandafil , para kohe në maji !
Tavolina dhe karrigia e ngelur bosh në shkollë ,
Presin në heshtje akoma , sikur do kthehesh aty përsëri ,
Ajo tavolinë që shkruaje me penën e hollë ,
Aty , ku tani shikimet e zbehura të nxënësve shuhen si qiri !
Ishe mbulesa e ngrohtë në ditë dimri e të gjithëve ,
Psikolog familjarë i buzëqeshur , i pregaditur , dhe shumë i sjellshëm për ne ,
Mësimet dhe këshillat e tua të vyera ,
Hedhin dritë , dhe na tingëllojnë në vesh akoma , sikur na i the dje !
Gjithmonë do të kujtojmë me dhimbje dhe mallë ,
Edhe pse ti tani bën seminarë me engjujt dhe perenditë ,
Në zemrat tona dhe të nxënësve , jeton gjithmonë i gjallë ,
Duke mallkuar ditën , që vdekja papritur të zuri pritë !!
Pushofsh në paqe kunati im HYSEN ZELA !!
