DASHURI E SINÇERTË !
Valët e Detit me bregun përplasen qetësisht;
Duket sikur puthen si dy të dashuruar,
Bregu i thotë Valës vetëm ty Të Dua
Vala ëmbëlsisht ndihet e llastuar…
Me gjuhën e Detit flasin e përkëdhelen
Qindra premtime i bëjnë njëri- tjetrit,
As Furtuna më e fortë se ndalon dot
Rrugëtimin e Valës drejt dashurisë së saj Bregut..
Sa bukur ngjajnë ashtu të përqafuar
Lundrojnë sëbashku në Detin e pafund
Një gjë ta keni të sigurt o Njerëz
Dashurinë e sinçertë s’ka furtunë që ta lëkundë…!
@-Violeta Deda Bala Kiato me 5 .8 .2026.
“”””””””””
Falendero Zotin..!
Kurrë mos harroni o Njerëz
Se Jeta është plot surpriza,
Siç ti shpon duart me gjemba
Ashtu ti mbush dhe me trëndafila…
Nga lëndinat e bukura plot gjelbërim
Ku bukuria të duket e pambarim,
Rruga e jetës të qon dhe në “xhungël”
Ku kërkon një pikë uji për shpëtim…
Se jeta, ah jeta o njerëz të mirë
Ta kthen faqen e “Librit” ngado që të dojë,
Kurrë mos thuaj se kam gjithçka
Se një sekond i vetëm mund të të shkatërrojë…
Nëse ke shëndet dhe mirësi në shpirtë
Njerëz që të rrethojnë e të falin buzëqeshje,
Ke pasurinë e gjithë botës të tënden
Falendero Zotin me zë e me heshtje.. !
Violeta Deda Bala Athinë me .19.4.2026
“”””””””””””
Për ditën e Poezisë … !
POEZI MOJ MIKJA IME ..!
Sot është dita jote
Mu duk sikur më the ; Uromë
E unë që të ndjej në çdo qelizë të trupit ,
Jo vetëm sot por çdo ditë të bekoj…..
Ti je ilaç për shpirtin tim
Je antistresi më shërues ,
Si një ninullë më vë në gjumë
Dhe kur gjumi më është larguar….
Ti për mua je vete jeta ,
Që më mbush shpirtin me dashuri ,
Prandaj sot në ditën tënde
Them tu bëftë dita njëmijë…
Poezi e mira ime ,
Të kam miken më fisnike ,
Kurr të fshehta me ty nuk mbaj
Sepse ti je mike magjike….
Sa të kemë frymë të frymoj ,
Në çdo ditë të jetës time
Unë me ty do jemë gjithmonë ,
Poezi moj mikja ime ……
