N I K A J & M Ë R T U R
Atje n’kreshta t’larta ku shqipja ka folenë
Aty gurët e thonë çfarë koha kujton
Besa e mikpritja aty kanë gjurmë të thellë
Nikaj & Mërturi – emër që s’harrohen kurrë
N’çdo kullë t’gurit e n’çdo prag shtëpie
Aty ruhet një histori, aty ruhet krenaria
Aty u rritën çika e djem me besë e nder
Aty gratë shqiptare të forta si malet përherë
Nikaj-Mërturi, fise të tokës së bekuar
Aty ka histori, e plot zemër miqësie
Me gjak, me fisnikëri, me fjalë e nder
Këto fise kreshnike kanë kangën në Gen
Nikaj-Mërturi, krenari e tokës shqiptare
Me shekuj, ndër breza, emri juaj jeton
Kush e njeh historinë tuaj të lavdishme
Me respekt, shqiptaria gjithmonë ju kujton
Malet dëshmojnë për jetë me sakrifica
Luginat ruajnë zërat e të parëve tanë
Aty çdo gur ka një rrëfim për të thënë
Çdo shteg e Gurrë ka një histori të rrallë.
Nikaj-Mërtur, të tokës së shenjtë Arbnore
Me histori t’pastër e me zemër bujare
Bijtë e tu, edhe pse shkuan larg atdheut
N’zemër e mbajnë atë vend të t’parëve
Krenar për kullat dhe gurët e vjetër
Ju, brezat e rinj, sot mbani kokën lart
Ruani si sytë traditën e pasur fisnike
Se ashtë histori që amanet na kanë lanë
Nikaj-Mërtur, fise të tokës së lashtë ilire
Malet dhe fushat ju ruajtshin në çdo stinë
Për mot e jetë me besë, nder e fisnikëri
Nikaj & Mërturi fise flori t’Shqiptarisë!
Më 30 tetor 2026
Simon DEDA, Gjakovë
