GEZUAR MBESA JONË ILIANA, DHE NJËQIND VJESHTA TË PRERUERA!
Ledia,
Nusja jonë,
Si vajza jonë,
Me shumë dashuri në këtë vjeshtë të artë,
Gëzuar edhe njëqind ditë lindje,
Me Benin, Ilianën, princeshën,
gjithë të dashuritë e zemrës!
Lumturi familjare të uroj!
Kështu ishte vjeshta atë mëngjes,
Para 18 vitesh në Aleksandra,
Shiu duke qarë, dielli tuj qeshë,
Kur dole në jetë, rreze arta..
Ti na ndrite jetën, mirëseardhje,
Të uruam më zëmër, me shpirt,
Për familjet tona, Fier- Berat,
Një diell- hana, lindi një yll!
Këtë vit po të uroj dy gëzime,
Dy drita, dy shpresa, dy ëndërrime,
Universitetin dhe ditëlindje,
I gëzofsh, princeshë, mbesa ime!
Me Ledian me Benin me ne,
Me farë edhe fisni,
U lumturofsh, e bukura mbi dhe,
Pasuria, e shenjta e shpirtit, për ne, je ti!
“”””””””””””””””””””””
Magjik ky mëngjes në Fier,
Vjeshta po ndrron teshat e shtatit,
Anë Gjanicës kundroj re në qiell,
Zemrën përkund në udhën e fatit!
Era më përkëdhel ballin nuk ndjej
Përhumbur në kujtime, udhnajë e gjatë,
Oaz mirësie gjithë kund kendej,
Himen thur shpirti,
Dashni të pamatë!
“””””””””””””””””””””””
FURTUNA
Thonë po vjen furtuna,
Furtunë po pres,
Në furtuna jeta, puna,
Mbi furtunë do të vdes!
Në furtunë linda,
Në furtunë do të ik,
Erën, shiun, breshnin,
I kam gjithmonë miq!
Paqen nuk e njoh,
Na mori Katallani,
Tash regjun si shollë,
Rroj mbi thonj luani!
Furtuna po pres,
Para nxjerr krahnorin,
Një njoh qysh në fillesa,
Dheun tim, Kombin!
“””””””””””””””””””””
GJUHA AMË- T’ AMLI I NANËS
Ku shkon Dielli, shetitë ditën,
Ku shkon Hëna, shtegton natën,
Kërkund s’gjën si Gjuhën, Shqipen,
Gjuhën amë, t’amli i nanës!!!
Kërkund nuk tingllon kaq bukur,
Kangë bilbili në ag prilli,
Ajo asht Lule në palcë,
guri,
Asht dritë synit, asht flakë shpirti..
O Ju prinder, djem dhe vasha,
Kudo shkoni, gjuhë mesoni,
Të parën në zemër si borëbardha,
Gjuhën Shqipe mos harroni!
Ajo asht shqiponja e qiellit,
Ajo asht grimca e gjakut,
Asht shej Kombi rrez’ ylberi,
Krenaria e çdo shqiptari!
Mos mbillni ferra, driza,
Rudinës me lul’ gjithëlloj,
Me zambakë me trandifila,
Çka vetë Zoti e bekoj!!
Fisnik, me vikamë, pa droje,
Ndër mbretni, parlamenta,
Jam shqiptar, zemrën kallxoje,
-Heu, Mirëdita e Tungatjeta!
