PËRMBYTJA E SHKODRËS, RAMA: TË MBYTET DIBRA !
Fejton
Çudi me këta kokat e vendit tim, çudi që përsëritet sa herë bie shi në Shkodër e sa herë përmbyten tokat e saj. Siklet të madh e kanë. Kështu Saliu… Kështu Edvini… Të dy një fjalë në gojë kanë: Të mbysim Dibrën për të shpëtuar Shkodrën. Saliu në vitin 2008 thoshte: Ndërtimi i HEC-it të Skavicës “Ul në mënyrë të ndejshme edhe mundësitë e përmbytjeve të mëdha në zonën e Nënshkodrës dhe të Shkodrës”… Edvini sot, në takimin me gazetarët tha: “Ndërtimi i Skavicës të cilën ne e kemi futur në proces, do të mbyllë kapitullin e frikës nga shkarkimet e HEC-eve, por derisa të jetë Skavica aty që është rezervuari ujëmbledhës për të mos lejuar që uji të mos shkarkohet dhe të kthehet në energji, sfida e menaxhimit është kryesore dhe ne e kemi fituar këtë herë sfidën e menaxhimit.” Çudi e madhe me kryeministrat e vendit tim. Për të shpëtuar nga përmbytja e përkohshme afro 2000 hektarë tokë të ultësirës së Shkodrës duan të mbysin një sipërfaqe disa herë më të madhe toke nga më pjellorja, më e sistemuara në luginë e Drinit të Zi nga Gjorica në Reç ! Për të shpëtuar përkohësisht disa dhjetëra familje që sistematikisht përmbyten nga vërshimet e ujërave duhet të shkulen me rrënjë afro dyzet mijë banorë të luginës së Drinit të Zi që mbytet përgjithmonë nga ndërtimi i HEC-it të Skavicës ! Sali Berisha do ta mbyste Dibrën, por me gjithë deklaratat e bujshme: “Unë di të ndërtoj vepra botërore”, nuk e mbyti, nuk pati bythë, nuk pati dhëmbë për të thyer “kockën dibrane”. Edi Rama e mbyt Dibrën. Është i çmendur, i papërmbajtshëm. Ka në krah…Amerikën. Sigurisht, po qe se në Dibër nuk kanë mbetur dibranë…
Abdurahim Ashiku
Athinë, 15 janar 2021
