GJIROKASTRA
Dy kodra me gjelbërim janë veshur,
Si amvisa presin qiri në këmbë.
Njera në hyrje të pret buzëqeshur,
Tjetra në dalje të përcjell me këngë.
Dy kodra ,si duar përulen me mirësjellje,
Dy kodra çelur si fjalë e urtë.
Njera qesh si ujëvarë në grykderdhje,
Tjetra hënëson në qytetin e gurtë.
“”””””””””””””””””””””””””””””””””””
DHE NJË FJALË
Mendimet m’i lexoje lehtë te sytë,
Fare lehtë,mos t’a quaje një gjetje.
Ç’boshllëqe që më la sot kjo ditë,
I gjeta tek një fjalë tënde e vetme.
Se ajo në çdo mëngjes do më zgjojë,
Ajo fjalë që më mori pas.
Dhe një fjalë ka forcë të të dojë,
Por dhe të të vras.
“””””””””””””””””””””””
Epigrame:MONOLOGU I NJË GRUAJE
Gjej forcë që t’i jap zërit,
Sepse borxhe nuk kam sot.
Veç një propozim të njërit,
Që s’arrita t’ja kthej dot.
NJË LLAFAZANI
Tani u mbyll goja ime,
Si uji mbyllur në vaska.
Thonë se kam bërë ndryshime,
Që ditën kur doli maska.
PËRGJIGJA
Shefin për një hall e gjeta,
I’a thash që këtej.
Gjersa të më iki jeta,
Një përgjigje do ma kthejë.
UJKU
Sa herë që vi afër stanit,
Me delet e filloj luftën.
Sa t’i dalë gjumi çobanit,
E kam ngrënë të gjithë tufën.
DOLLAPI
Sado i lartë që të jesh,
Me zbukurime të rënda.
Vetëm vlerë më s’do kesh,
Për aq kohë që s’ke gjë brënda.
NJË SIMULANT
Mirsevjen në këtë detyrë,
Thonë që je mjek zotrote.
Se unë kam dhe një të mirë,
Që mbush xhepat me raporte.
SERVILI
Para shefit,jo nga pesha,
Përkulej sa bëhej urë.
Iknin shefa,vinin shefa,
Mesi s’ju drejtua kurrë.
SERVILET
Sa e kishin drejtoreshë Faton,
Autoritaren,seriozen,zemërgjerën.
Njera vinte që ti afron pallton,
Tjetra vinte që t’i hapte derën.
VESA
Thoshte vesa ndrij mëngjeset,
Dhe nuk ndihem,gjë e urtë.
Sapo dielli solli rrezet,
Vesa nuk pa nga u fut.
KUR TË DEL NAMI
Thonë se kjo është pemë e mbarë,
Se e njeh e gjithë bota.
Por unë kurrë s’e kam parë,
S’e kam parë kurrë të bëjë kokrra.
NJË SERVILI
Vajti ora për të dalë,
I tha Vit i Ri dhe qeshi.
Nuk i ktheu asnjë fjalë,
Vetëm pa një herë nga shefi.
NJË INDIFERENT
Erdhi Vit i Ri tek ne,
Erdhi vonë a erdhi herët.
Për nder s’e kam vënë re,
E mësova nga të tjerët.
