Epigrame: NDARJA
Kur u njohën për herë të parë,
Njeri – tjetrit i bënë elozhe.
Kur erdhi çasti për t’u ndarë,
Thanë thjeshtë për çështje moshe.
KARAKTERI
Thonë se ishe djalë punëtor,
Dhe që shmangeshe kur ndizej sherri.
Premtoje ndihmë sa kishe në dorë,
Por të mungonte karakteri.
NJË POET QË KËNAQET ME PAK
Punove edhe mbi orar,
Me muaj të tërë,mor i gjorë.
Pasi bëre vjershën e parë,
Për të tjera s’të bëhej vonë.
KOHA
Ti ikën,o kohë,me një ritëm,
S’rri në vënd e s’kthehesh pas.
Se ka ndonjë që vonohet kur ikën,
Por s’të arrin dot më,s’ka shans.
“”””””””””””””””””””””””””
Fabula:MERIMANGA DHE MIZA
Merimanga i tha mizës me ofshamë,
Kur miza iu qas pranë.
– Më pëlqejnë rrjetën,të punuar aq hollë,
Bile,i’a ke kaluar dhe qylimit më thonë.
Por miza i’a ktheu merimangës muskuloze:
– Për këto gjëra mike,nuk bëhem kurioze.
UJKU DHE KECI
Ujku i binte klarinetës me merak,
E dëgjoi një kec dhe nisi të vallëzonte në park.
Tha ujku:- Çudira bën kjo klarinet,
Dhe keci kënaqej e hidhej përpjetë.
– Mik!- i tha ujku,një melodi baritore,për ty do të gjej,
Dhe e rrethuan kecin ujqër dhe çakej.
“”””””””””””””””””””””””””””
MËSUES MARGARITI….
Sot Irena në shkollë erdhi vonë,
Po,po,- tha mësuesi dhe s’bën autokritikë.
Asgjë atë s’e justifikon,
Do vinte në shkollë dhe pikë.
Nguli këmbë dhe zërin ngriti,
Diçka më bën sot të vuaj.
– Hëm,- i’a bëri mësues Margariti,
S’e kuptoj dot qëndrimin tuaj.
