Gjelina Maçi Keçi

PERËNDESHË E DASHURISË !

Je perëndeshë dashurie për mbi tokë.

Diell që ndrinë dhe kurrë nuk përendon

Lindë dhe mbron të tërë jetën në botë

Je lulja që në çdo stinë vetëm lulëzon.

Gjithë artistët bukurisë t’i kanë kënduar

Dorë e zotit nuk ka gabuar në mirësi.

Të dha zemër, trup e shpirt të mjaltuar

Je forca e shpirtit, ilaç shërues në dashuri .

Je pikënisja e mbarë e çdo fillimi.

Kolonë e pazëvëndësueshme e shtëpisë.

Preludë drite në altar dhe vetë bekimi.

Hyjnesha e paqes dhe e harmonisë.

Mëkon fëmijët me qumësht shpirti

Oh, sa zemra burrash rrahin për ty

Ku prek ti gjithçka në botë ndriti

E për djallin je përherë halë në sy .

Me ty pranë shpirti vetëm buzëqeshë

Je rrezeartë që shpërthen në ngjyra

Je simbol i vetmohimit, mbretëreshë

Bijë, motër, grua, nëna me të shënjtat fytyra.

Je e dashur dhe binjake me mallin

Je arkitekte dhe punëtore si bleta

Sytë e tu janë të ngjashëm me zjarrin

Je nga krijesat me të shtrenjta që ka jeta.

Gjelina Maçi Keçi

“””””””””””””””””””” May be an image of 1 person

POEZIA DHE POETI

-Gëzuar Ditën poezisë –

Poezia është hëna me yjet që ndrinë

Është dielli i dytë që qiellit shkëlqen

Është dashuria që në zemër rrëzëllinë

Si diamanti që mahnitë me bukuri të vet.

Është ai bistaku që e zgjon pranvera

Nisë që nga historia ku Eva dhe Adami.

Është ninullë nëne e gjumit nga hera

Një lumë me shkronja ku derdhet malli.

Poezia është dhe dhimbje, trishtim dhe lot

Është ndjenjë e pastër që rrjedh si krua.

Është mrekulli kur zbret rimën si yll në tokë.

Është shpati i malit ku ngjitesh e gëzuar.

Poezia është si mjalti i patretur në një kupë

Vjen nga kopshti me lulet me të bukura

Dëgjojeni nga afër poetin zemërbutë

Shihni si i vallëzon në vargje zemra si flutura.

Poezia rrjedh si curril burimi në çdo këngë

Është e pavdekshme kur në vite qarkullon

Ndjenjat njerëzore të shpirtit aty zënë vend

Është pëllumbi që dete dhe oqeane fluturon …

Gjelina Maçi Keçi

LINI NJË PËRGJIGJE Anulo përgjigjjen

SHKRIMET E FUNDIT