FJOLLË NË KALTËRSI…
Rend tymnaja nëper qiell,
gjurmë atje e gjurmë këtu,
vrejtur Dimrit i madhi Diell,
fshehur sy muzgjesh mbulu…
Zhurmë,potere e ulërima,
nis e zbrazen në udhëtim,
skrukur malesh bubullima,
vështron fjollat me përtim…
Fjollë-bardha zë dhe hapet,
preh e flladit shkon kaluar,
dalë-ngadalë majash kapet,
shtigjesh-zbrazur e ngujuar…
Rend tymnaja nëpër qiell,
shtrir-tërhequr dëshmitare,
vrejtur Dimrit i madhi Diell,
sypërgjumur…nëpër dritare…
Luan Sheshi: 25 dhjetor 2021…
“”””””””””””””””””””
GJETHE MBI GURË…
Vjeshta udhë-ikjesh mbetur,
gjurmë nga pas një gjethe la,
vello-verdha…Dimrit e tretur,
derdhur ngricës…e jo shaka…
Vejn e vijnë kreshtash stuhitë,
kryet thyejnë e prap mërgojnë,
pyelli plak fsheh gjoksesh bijtë,
lot mëngjesi degësh çurgojnë…
Eh,mbi gurë kjo gjethe harruar,
trupit të saj…dëshmitë ngulitur,
buzë Marsit përrejtë turfulluar,
coh’ të fundit rrëmbejn papritur…
Vjeshta udhë-ikjesh mbetur,
mjergull-trashën hequr zvarrë,
vello-verdha…Dimrit e tretur,
hesht mbi gurë gjethja e marrë…
Luan Sheshi: 24 dhjetor 2021…
“”””””””””””””
NJË ZË MË FSHIHET…
Një zë më fshihet,
një tjetër më bezdis,
nga vijnë s’i dihet,
më thoni nga t’ja nis???
E gjatë heshtja,
gjymtyrë nuk ka,
në shtim kureshtja,
mërzia pirg…Kala…
Llambojnë larg yjet,
krah hënës lakmitare,
zhurmëjnë dhe pyjet,
cek ëndërra në dritare…
Një zë më fshihet,
pas meje në kërcitje,
prek fajin…lart ngrihet,
një tjetër…rri në pritje…
