Më zgjo pranverë!
Pranverë moj ,shpejt .ti eja….
Bëhu erë….si rrufeja
Eja …edhe zgjomë mua…
Hidhmë sharmin tënd…për grua!
Ti ndiej erën manushaqes
Të ndjej pushin purpur faqes…
Ti dëgjoj zërin bilbilit
Ti marr erën trandafilit..!.
Ta hedh hapin.si në ëndërr
Me atë që kam në zemër….
Dashurinë e jetës time
E të ngjall mijëra kujtime!
Pa të vete gjer në krua
Të takoj atë që dua
E të dalim tej lëndinës
Ku fryn era e trëndelinës!
Të pimë ujë nga Sopoti
Atë ujë që pi vetë zoti
E të hamë me uri
Ta djegim mallin në gji!
Prrush të ndizet ai zjarr
Le ta shuajmë atë mall
Atë mall të përvëluar
Me shpirtin tonë gatuar!
V.M.Anastasi
17 Janar 2025
:::::::::::::
Orët e fundit në Atdhe….
Duke shfletuar…”Shtigjeve të zemrës”
Bregut të Liqenit
Si dikur bregut dola të të pres
Tok me pulbardhat që ngrihen fluturim …
Reze-vakët dielli në këtë mëngjes
Tek pres çastin të shfaqesh, me padurim!
Valën dredharoshe kur e ndjek pulëbardha
Ulet e ngrihet vrullshëm fluturim,
Si në një balet legjendash të rralla
Mbi liqen vallzon ajo papushim!
Për orë e orë,në heshtje e ndjek valën
Si një zambak mbi liqen të shoh ty…
E me sy të përpij,porsi dielli majën…
Por në çast më humbet në thellësi!
Ndaj thellë,thellë në zemër të kërkova
Vitet ikin,por prapë ti mbetesh aty,
Me zërin e shpirtit të thirra,të zgjova
O e shtrenjta ime,e madhja dashuri!
Magjepsem kur era të trazon me ledhatime…
Sytë I kërkoj përmes flokësh të trazuar,
Të të dashuroj pa fjalë e përbetime…
E lotët të ti pi në sytë e mjegulluar!
Do të të pres përherë me pulëbardhat…
Me atë sharm të magjishëm, derdhur mbi liqen,
Tej drurëve të lashtë,do të dëgjohen baladat
Me himne dashurie ,ku shpirti-shpirtin gjen!
Prrill 2022
Violeta Muco Anastasi
Për ju o miq të veçantë
1 Maj 2025
