….Jeta keshtu e ka shoku im i shtrenjte, na ka cuar ne lloj lloj shtigjesh, udhekryqe me dalje dhe pa dalje, duke u kthyer mbrapsht, per te dale diku tjeter.
Me ka sjelle shume gezime dhe perhere ashtu i heshtur ke qene edhe ti krah meje, por edhe ne caste trishtimi, perseri kam marre force nga ty miku i shtrenjte, se e di qe nuk do me tradhetosh kurre.
U ndame heret bashke, per te mos u pare per tere keto dekada, por tek une je ashtu i fresket, i vogel, i bukur si atehere.
Kuptohet nisa jeten time formova familjen time. Provova te dashuroj dhe te dashurohem, por ty miku im i shtrenjte perseri te kisha ne qoshe te “oxhakut” te shpirtit tim.
Nje dicka interesante po ta pohoj pas kaq dekatash, burri qe kam prane te ngjan ty shume, mbase ishte dhe ky nje motiv me teper qe sot e kam perkrah.
Por te jesh i sigurte, qe sa here kam vene koken ne jastek pas nje dite me strese te shumta te kam menduar ty miku i shtrenjte, ashtu pak “camarrok”, por me ata syte qe xixellonin.
Kam endrruar shume kemi shkuar bashke ne livadhet e bukura te edrrave plot me lule shqere, apo edhe lule te tjera te pranveres tone te perjetshme.
Kur jam shkeputur nga rrugetimi i endrres, me ty kam ndjere ngrohtesine e burrit tim dhe i jam dhene me bukur me e plote edhe per ty. E ndjej qe ai fle ketu me mua shume pafajesisht, nuk e mendon kurre se ku eshte shpirti im i vertete.
Duke e veshtruar ashtu si fle ne krah meje me eshte shtuar me shume dhembshuria per te dhe ne rolin e gruas, i kam marre koken dhe ja kam futur ne gjirin tim te ngrohte.
Dhe me kupton besoj madheshtine e dorezimit, tek ai me ate mall te trishtuar, qe kam si brenge thelle ne shpirtin tim.
Sot qe po te drejtohem ty, dua te jem vetem e jotja une dhe ti. Se ti ma ke lexuar librin e shpirti tim, shpirtin e nje gruaje qe kelthet, me beso jam larg ketij shtrati tim bashkeshortor dhe dua te jem diku me ty edhe ne kete enderr te parealizuar kurre ne jete.
Vij tek ty me mall, por me beso kur kthej koken dhe veshtroj fytyren e burrit qe kam ne krah, ahhhhhh ti i endrres mbetesh nje mall i larget, por teper i forte.
Ndoshta kete jete meritoja une, se nuk e bera hapin e pare aq te cmuar per te ardhur tek ty. Le ta vuaje ate hap te pahedhur.
Ky eshte fati im te vallezoj me valsin e burrit, qe kam perkrah, kurse valsin me ty e luaj ne endrren time te bukur, te gjate
E di qe do te gdhije perseri dita dhe une kthehem ne realitetin e prekshem.
Jam perseria ajo amvisa e mire e shtepise me perpasen e vene ne pike te sabahut, duke pastruar shtepine, pastaj gatimi i mengjesit, ritualin e perditshem dhe puna ku une edhe humbas mendjen per ty. Vetem ne pushim kur pi kafen time ashtu ne heshtje ti je me mua.
Ne mbasddite me kthimin ne shtepi kthehem ne konturet e nje bashkeshorteje ideale e asaj endrre te parealizuar dhe e nje gruaje te dhembshur per te afermit e saj qe kam cdo dite.
Por pres qe te bjere sa me shpejt nata. Po aty nata eshte totalisht e imja. E ndaj mes teje dhe atij. Jepem ne formen me te bukur Ne enderr me ty jam shtojzovallja dhe e burrit qe kam prane qe merr edhe dashurine tende
Eshte kujtimi yt nostalgjia pert ty, qe une ndihem e lirshme dhe qe guxoj e flas me ty per keto tema aq te te nxehta.
Dhe pres qe ne mengjes te gjej nje skice nga ty, ku jam e sigurte se ndodhem edhe une, se e di qe te njeten gje mendon edhe ti endrron edhe ti per mua. Ne ato skica une gjej miresine tende, mbase edhe ate zerin e brendeshem qe te te dua ashtu si atehere nje femije i virgjer.
Une gjej ate ishullin tend te vetmuar, ku ti me siguri ke ngritur strehen tende per shpirtin tim te trazuar. Dhe une vij shpirterisht aty kaloj naten me ty dhe kthehem sapo nis te zbardhe agimi. Vetem hena eshte deshmitare e jona.
Nuk harroj qe ti si krijues je edhe burri i zakonshem i asaj bashkekshortes se mrekullueshme qe ke cdo cast prane por mos harro se edhe une jam grua e nje bashkeshorti te mrekullueshme qe kam patur prane me dekata te tera.
….Me beso shume here tundohem nga ato caste dobesie, por jo miku im e di shume mire vete jeta keshtu rrjedh. Ne jemi brenda njeri tjetrit shpirterisht, ne endrren tone te perhershme, por duhet qe te me kuptosh une frymoj prane burrit tim te dashur….