TRI LIRIKA
SA HERË QË TEK UNË VJEN
Sa herë që tek unë vjen
Në zemrën time përherë
Vendin këtu vetë e gjen
Porsi lulja në pranverë.
Nëse ndihesh e pamundur
Dhe nuk ke gjumë në sy
Në shpirtin tënd të bukur
Do të vij edhe unë të rri.
NË SYTË E MI
Me atë që desha dhe më donte,
S’u morëm pas letrave shumë,
Ajo, prandaj ditën e shkurtonte,
Të vinte më shpejtë tek unë.
Dhe s’e theu asnjëherë shtatin,
E vështrimin s’ma ndau përkarshi,
Se ajo prandaj e shtonte hapin,
Ta zinte gjumi në sytë e mi.
P R A N Ë T E J E
Pranë teje unë ndihem plot jetë
Edhe ti, tek unë ashtu
Tani që të flas si poet
Dhe vargjet te ti lë këtu.
