A DUHET TË JEM MË AI NJERI…?!
A duhet të jem më ai njeri,
Që hesht,
kur s’duhet të flasë,
Që qesh,
kur duhet të ulërasë,
Që qan,
kur duhet të bërtasë,
Që do,
kur duhet të vrasë,
Që duron,
kur duhet të nxitojë,
Që lotët i frenon,
për hirë të burrërisë,
Që këmishën e heq nga trupi
Dhe ja fal komshisë,
Që bukën e ndanë me të varfërin,
Për hirë të dashurisë.
Që kur jepte fjalën,
S’e tundte topi,
Që betohej në nder
Dhe besonte tek Zoti,
Që falte gjaqet
Dhe kursente jetë,
Që njerëzit i donte
Si veten e vet,
Që nderonte prindërit
Dhe nuk tradhëtonte,
Që kurrë gjënë e tjetrit
nuk e lakmonte.
A duhet të jem më ai njeri…?!
(D©N)
“”””””””””””””
VJESHTË
Gjethet e vjeshtës janë dhembja dhe liria,
Humbasin trungun, por fitojnë hapsirë.
Në hapsirë ata vdesin nga dashuria,
Në ëndrrat e vjeshtës janë një psherëtimë…
(D@N – e enjte, më 14. 10. 2021)
“”””””””””””””””””””””””””””””
PSHERËTIMË…
Një “dredhëz” ma “vodhi” Atdheun,
Ma përpiu…
Unë endacak nëpër botë,
Pa Atdhe,
Një ofshamë dhimbjeje…!
(D@N – e merkurrë, më 13. 10. 2021)
“””””””””””””””””””””””””
FENIKS…
A të kujtohet,
Kur digjeshim në zjarrin tonë
E ktheheshim në Hi?!
Në rrënjët e kalave të rëna
Dergjeshin vuajtjet tona
Dhe çmenduritë…
Dhe përsëri,
E ndienim se duhej të ktheheshim në Hi…!
(D@N – e hënë, më 11. 10. 2021)
“”””””””””””””””””””””
