ATDHEU KA EMRIN E JUAJ TË DHEMBJE
Ose ju jeni yje të atdheut
Miqve të mi të burgosurve të ndërgjegjies
Historia s’fal
Nëse unë harroj
Dhembjet na i bënë plagê
Kacafytjet me njeri-tjetrin
Ende kemi me çka më u marrê
Çka më rue e për çka me fol
Nuk kam frikë me shkrue për ju
Më duhet të jem i vërtetë
Ndoshta nuk del art
E di që më shajnë
Kohërat e dinë ku e ruajnë guximin
Në emrin e dhembjes për tokën
Të rrëbelimit kur ju burgosen
Sot t’i kisha zbritë yjet
Por ju jeni vet yje të atdheut.
19 Nëntor 2022 AGIM DESKU
“””””””””””””””””””
Rruga
e
kombit
Një kafe
në Prishtinë
Dua të pi
Në Tiranë
një gotë raki
në Çamëri
Një gotë verë
Në mos e pifshim
Mos të na thënqin
Më Shqipëri.
Agim Desku
“”””””””””””””””””
NËSE DASHURIA MË BËRI POET
-Lasgushiane
Atdheu mbi të gjitha
Me vite i kam bashkue plagët e atdheut
I vura në gji për më i rujtë afër zemrës
Aty ku i ruaj shekujt e dashurive të shpirtit
Nëse ato një ditë do të më bëjnë pakëz poet
E di të krisur e rrëbel më kanë bërë me vite
Atëherë kur veten e pava në sytë e hyjneshës
As vet nuk e di së si erdha deri këtu pa u dehë
Askush nuk e beson rebelizmin që ia bëra jetës
Se mendoja që ka jetë pa buzêqeshjen e saj
Të njëjtë na kishte krijue perënda për njeri-tjetrin
Edhe në traditë më u dashtë deri në çmenduri
Të dytë luftuam në dy fronte për të mbijetuar sot
Për plagët e atdheut luftuam e u bëmë çlirimtarë
Për dashurinë e lotit u bëmë dashnorë të marrë
Me sa mund erdhëm këtu më u ba pakëz poet
Më e fal dashurinë e më u ba ma shumë atdhetar
16 Nëntor 2022 AGIM DESKU
