Veli i kraharorit fushë ceremoniale
Paradë ndjenjash
N’tepihun e kuq t’kapilarëve t’mi.
Tingujt e zemrës
shndërrohen në melodi himni
solemnisht hapet manifestimi i dashurisë
Ngritët flamuri i paqes
përkulem para madhështisë sate
prijës i ëndrrave të mia.
Ardita L-Gj. ✍️
Brügg Ch.
Një erë e fortë mbi rërë,
shlyente gjurmët e mia.
Bota shihte me sytë e dhimbjes,
përballjen time më dallgët e jetës.
Mendimet fluturonin
si korbat e zi në dritaren e qiellit.
Shpirti përmbytej në detin e lotëve
Kam frikë të fundosem; thoja më vete!
Sakaq
një varkë shpëtimi ngarkuar me shpresa
Zbarkoi në portin e kraharorit tim.
Erdhe ti,
Shkëlqeve si një xixëllonjë
në erresiren e horizontit.
Për sa kohë që dielli nuk erdhi
e qielli nuk ndezi asnjë yll.
A.L-Gj. ✍️
Brügg Ch.
Sa e amël m’vjen dashnia,
Edhe pse shpesh frymën ma nal.
M’thuj, pash nji Zot
A s’je tu e ni zemrën
Qysh asht tuj rreh kanshëm për ty.
A je tu’i pa,
Qe edhe muza jem ndrrue ka
Krejt rrmujen qi kam mrena po e difton.
Shpesh po du me dal prej veti
Veç më t’dasht
ashtu qysh di me t’dasht.
A.L-Gj.
06.06.2020 Biel Ch.
Piktura nga Petrit Sadikaj
