PËR TY BIRI IM
O biri im,ti po rritesh
fryma e sotit,këngë prej vitesh.
e nuk e di…
se ç’kam një zeher
që ma guflon frymarrjen,
tym e lëmsh paqartë pamjen.
Ajri i ndotur bërë shtëllungë,
rrugët ngatërruar
si pa udhë.
Fjalë e vyer kohës po i dukem
natës pa gjumë për ty i lutem
veç dashurisë s’kam forcë tjetër
gjëja e fundit që m’ka mbetur.
Kërkojmë dritë të dy për sy
ti tek unë ,
e unë tek ti
duart tona lidhur fort
ia thajnë zemrës çdo pikë lot
dielli fshehur nën duvak
pret të ngjitesh edhe pak
rrezja e jetës të jep nur
u rritsh bir e u bëfsh burrë!
“””””””””””””””
ËNDËRR E PASHQIPTUESHME
Mund të joshesh me fjalë të pashqiptueshme
në delirin e shpirtit mund të jesh koshiente
përreth ajri me gjallëri cicëlluese
harbuar gjithë naze si lulja adoleshente
Mund të bëhesh jehonë e kristaltë
t’i qeshësh bukurisë së trëndafiltë gjithandej
mund të biesh në greminë paqartë
në hapsirën e tejdukshme përtej.
Mund të mbretërosh si e pashoqe
pa iu përkulur hapsirës kraharorit
të dëgjosh fërshëllima historish bërë lloqe
me lot mund t’ia mbushësh barkun përroit
Mund të dukesh si pëlhurë që hidhet lehtas
nën rrezet e lodhura të stinës që mbaron
mund me ndjenjat të lozësh kukafshehtas
por ëndrr’e pashqiptueshme duke qeshur të rrëzon.
