SHPIRTI DASHURI E SOLIDARITET!
Akoma në këto momente
Që kalon, mbarë njerëzia,
Si po bëni, mbyllje zemre,
Tërë përfshirë, fatkeqësia.
Kjo sprovë, mjaft gjigante
Që ka të bëjë dhe me jetën,
Luftë pa zhurmë e madhe,
Eh e mori, mbarë planetin.
Pse ngrini, çmimet në qiell
Këtë virus a s’po e kuptoni,
Shpirti dashuri e solidaritet,
Më shumë se kurrë ndihmoni.
Njëri-tjetrin, ne të mbrojmë
Si të familjes sonë pjesëtarë,
Më tej se virusi, po sulmojnë,
Si i ngritët çmimet, kaq lart?!
Kjo gjë nuk i shërben askujt
Sfidat një provë, për t’u afruar,
Ndihmën që sot, ti i jep dikujt,
Paqe Zoti vjen, te ne e bekuar.
Bukurie Binjaku. 17. 3. 2020. GREQI.
VËR DORË ZOT I MADH!
Një mikrob i shëmtuar
Ç’e mori botën mbarë,
Në katër mure izoluar,
Por i varfëri ç’ka të hajë.
Eh ndjehem e shqetësuar
Se çdo gjë, po paralizohet,
S’jetohet kurrë, pa punuar,
Kjo botë zjen e përvëlohet.
Sa do zgjasë, kjo s’e dimë
Për pak ditë, e quaj lehtë,
Për më shumë, bërë krizë,
Si do ia dalë, njeriu përtej.
Kush e hodhi a nga erdhi
Popujt mbarë, si skllavëri,
As në rrugë, askush s’del,
Virus vdekjeprurës ky i zi.
Zotit lutem me gjithë shpirt
Na hap rrugë, që të jetojmë,
Vër dorë Zot i madhërishëm,
E vogël jeta, ne t’a gëzojmë.
Bukurie Binjaku. 16. 3. 2020. GREQI.
