BIOGRAFI E SHKURTËR E POETES BUKURIE BINJAKU
Bukurie Binjaku është lindur e rritur në fshatin malor Gjinar (Elbasan), i cili ka qenë dhe është pikë turistike. Rrjedh nga një familje fisnike. Ka pasur dy prindër të shkëlqyer punëtorë, bujarë e të ndershëm. Në vendlindje mbaroi shkollën tetëvjeçare dhe të mesmen bujqësore.
Në lëndët gjuhë e letërsi ka qenë e shkëlqyeshme, sikurse edhe në të tjerat. Por zemra për gjuhën dhe letërsinë i rrihte më shumë.
Për shkaqe ekonomike nuk mundi t’i vazhdonte studimet.
Në moshën 18-vjeçare së bashku me familjen u shpërngul në një fshat në periferi të qytetit të Elbasanit, që quhet Hajdaran.
Në moshën 24-vjeçare u martua dhe sot ka tri vajza. Në vitin 1997 mori rrugën e mërgimit në Greqi, për një mbijetesë nga varfëria e asaj kohe. Gjatë gjithë kohës ka jetuar e jeton në qytetin Katerina të Greqisë.
Krijimtarinë dhe këngën e ka pasur pasion që nga vegjëlia, por për shkak të kushteve të vështira ekonomike, qindra poezi i mbylli në sirtar.
Sot, meqë iu dha mundësia e teknologjisë së përpauar, ndihet e lumtur që mund të shpërndajë dritën e shpirtit të sajpoetik e krijues.
Librat e botuar:
“Drejt teje”
“Rreze të zjarrta”
“Mall mërgimtari për atdhe”
“Në portë të qiellit trokita”, dhe
“Me ëndrra plot”.
MIRËSITË SHPIRTIT T’I MBLEDHIM!
Pranë dritares, loti derdhet
Shpirti trishtuar o pranverë,
Si në vjeshtë, duken gjethet,
Ehh bijen poshtë e zverdhen.
Njerëz pa faj, të karantinuar
Zjarri kur merr, s’pyet ç’djeg,
Bota në shpirt, fort varfëruar,
Pa zhurmë e pa armë të vret.
Dhe foshnja, në bark të nënës
S’po gjen rehatë, të dalë gjallë,
Te dritarja, nën dritë të Hënës,
I lutem Zotit, me shpirt për ta.
Loti mbi dritare, sot ka ngrirë
Pena e lodhur, për të shkruar,
Shpirti kërkon, ditë më të mirë,
Na e dhëntë veç Ati Zot bekuar.
Ç’është filluar, një ditë mbaron
Dhëmbjen në forcë e kthejmë,
Se dimri s’mban përgjithmonë,
Mirësi shpirti, na sjell pranverë.
Bukurie Binjaku
. 24. 4. 2020. GREQI.
