DASMA E BASHKIMIT…
( ka fillue)
1-
Shqypni, prej dashnie t’thirra,
Me za shpirti t’përmalluem.
Vargjeve t’mia, bojë loti m’u ba,
Herë e keshun, herë idhnuem.
2-
Vuajtja jote asht mallkim,
Për mu, për çdo shqiptar.
Po zgjohu ma, o populli im,
koha asht për bashkim kombëtar!
3-
Në andrra t’mia vijnë bijtë e mi,
K’jajn me mue të trishtuem.
E dhamë jetën për ty, Shqipni,
Gjaku, amaneti, nanë, u harruen.
4-
Mos u dorëzo nanloke sokolesh,
Vijnë pranverat përsëri.
Atëherë, ftyra jote ka me kesh,
Kur të jemi nji komb, nji Shqipni.
5-
Bojë e kuqe m’ u ba pena,
Gjaku i bijve jetësohet n’varg.
Ne jemi shqipe me dy krena,
Bashkimi jonë nuk asht larg.
6-
Zoti i madh s’na e tret gjakun,
Se vet ai na krijoi të pandarë.
Madhështia e tij e merr hakun,
Se në trojet e tona u lindëm t’parë.
7-
Në nji flamur, në nji atdhe,
Mblidhen copat që na i kanë ndarë.
Festë e madhe mbi mëmëdhe,
Dasma e bashkimit ka nis me ardhë.
8-
Lum ai, që do ta shoh e përjeton,
Bashkimin e vllezërve shqiptarë,
Në një himn rreth flamurit tonë,
Besa – besë e të pandarë.
Bukurie Buçpapaj
24. 4.2022.
