PUBLIKOJE COSETTA VIDRICA
SHKRUAR NGA ABDULLA DIKU
‘TITANIC’ në Koman
___
Kush nuk e ka parë filmin TITANIKU?!.
Regjia, skenari, aktorët, romanca….çfarë magjie!
Kush nga vajzat nuk do të donte të ishte paksa Roz?!
Kush nga burrat nuk do ta donin apo imagjinonin Roz?!
Po kënga e Celine Dion….?!
Ja, dëgjojeni vetë edhe njëherë duke parë luginën e Drinit në liqenin e Komanit.
Në tragetin “Alpin”, turistja e hijshme nga çekia – Anna u bë pa dashje paksa ‘Roz’, ndërsa nuk u bezdis aspak nga filmimet e mia.
Kur zbritëm i tregova për filmimet dhe më tha që do kish pranuar të ‘luante’ rolin e Roz për mua, veçse me Xhekun e vet që nuk e kishte gjetur ende.
Në atë traget çdo ditë ka sëpaku një Roz apo një Xhek, thjesht duhen gjetur dhe një romancë duhet dokumentuar.
Duhet bërë si udhëtim, i cili përveçse të jep mundësinë të shijosh një pjesë të mahnitshme të natyrës tonë, të jep edhe qetësi shpirtërore, të zgjat jetën, ta bën atë si histori filmash.
Mundësia për të udhëtuar me traget dhe për të parë këtë peziazh është vetëm në verë…ndaj mos harroni që jemi në këtë stinë.
Dashuria vjen vetëm njëherë…dhe mbase në atë udhëtim apo ‘Titanik’ do jetë Roz apo Xhek që do e takoni rastësisht apo jo…
Nëse personazhin e zemrës tuaj e keni aty, aq me mirë, bëjeni të përjetojë filmin!
Një udhëtim në Koman ju bën të ndiheni personazh filmi, ju bën të fluturoni me imagjinatë, të shihni Alpet shqiptare, të dëgjoni këngët tona, e të jetoni historitë tuaja!
