Ndërsa nga kalendari po fshihet fleta e fundit e muajit të tretë të vjeshtës ,së bashku me datën 30 nëntor, Klarita Selmani e ardhur nga Greqia, ku punon e jeton prej vitesh, na ka mbledhur për një kafe e orë poetike.
Pandemia na mbajti larg për kater vite,kështu që,tashmë ishte fiks koha për t’u parë.
E kthyer tashmë në traditë ,e pashkruar diku,po e shënuar në kujtesën e Klarës ,është kënaqesi të ulesh në këtë Tryezë me miqtë e tjerë poetë e shkrimtarë,jo vetem për poezinë,letërsinë po dhe për bisedat e çiltra njerëzore ,që shoqerohen me të qeshura,batuta,heshtje ,dëgjim e prapë biseda.
Ndersa për poetët dhe shkrimtarët ,që kanë qenë pjesë e kësaj tavoline ,Klara propozon një minutë heshtje,për Petrit Ruken e Demir Gjergjin, te cilët janë ndarë nga jeta tokësore.
Gjithsesi, ata ishin pjesë e mbrëmjes me poezitë e tyre,me kujtime etj.
Si gjithmonë gota e verës,shoqëron poezitë e lexuara nga autorët .
Kozeta Zavalani Klara,Izet Duraku,Qazim Muska ,Adriana,Olimbia,Myfarete Laze lexuan me ndjenje poezitë e tyre dhe të autoreve të tjerë,duke dhënë emocione e reagime dashamirëse,ndërsa duartrokitjet ishin stimul i bukur,ndonse ndodheshim në një lokal te hapur,i cili frekuentohej dhe nga njerëz te tjerë.
Atmosfera ishte e ngrohtë dhe data një dhjetor,që do çelte siparin të nesërmen,dhe që përkon me stinën e parë të dimrit, nuk ndjehej aspak.
Në fakt pasi lashë takimin Tirana shënonte temperaturen 13 gradë,pra ngrohtë ashtu si shkoi edhe ky takim,ashtu siç ishin emocionet ,që më shoqëruan në ikje.
U takofshim për të mira gjithmonë,Klarita Selmani.
1 dhjetor 2022 Tirane.
“”””””””””””””””””””””””””””
