GAZETA DUKAGJINI, DALLENDYSHJA 20 VJEÇARE
Shoqatat Dukagjini e Nikaj-Mertur së bashku!
Shoqata Atdhetare Dukagjini mbylli festën e fund vitit me 20 vjetorin e gazetes Dukagjini si dallendyshja jonë.
Lidhjet shpirtërore mes dukagjinasve me tradita, virtyte, zakone e doke të përbashketa janë ngjizja më e mrekullueshme; miq, nipa, dajë, tezakë e tezake mes tyre.
Në këtë përvjetor festiv të dallendyeshes së promovimit të vlerave kulturoro – historike, folën e gëzuan të gjithë si në shtepinë e vet, gjithçka mes miqësh e gjakut, e nisur me fjalën e hapjes nga publicisti & shkrimtari Prel Milani,- i cili paraqiti mjeshtërisht tablonë e gazetës Dukagjini, si një pasqyrë e shëndoshë identitare e bashkepunimi marëkombëtar.
Ndërsa kryetari i Shoqatës Atdhetare Dukagjini z.Ndue Sanaj, së pari uroj miqte për miresardhjen, pastaj bëri një rezyme të shkurtër për aktivitetin e shoqatës e kontribuesit ndër vite të përsonaliteteve të penës e donatorëve dukagjinas.
Në emer të Shoqatës Nikaj-Mërturi përshendeti z.Gjin Niklekaj, i cili uroj përzemersisht shoqatën si moter, si dhe suksese per gazetën, më pas folën drejtues te disa shoqatave mike si dhe gazetar e operatorë dashamirës të dukagjinit.
Ndersa poeti Lazer Kodra, solli me ngrohtësi mesazhet njerëzore ndërDukagjinas e më gjerë përballë botës së sotme mjaft e trazuar, e pasuar me mesazhe ngrohtësie e fjalë zemre nga të gjithë folësit.
Para koktejit festiv kryetari zoti. Ndue Sanaj, – vlerësoj me tituj nderi disa personalitete për kontribute qytetarie, krijimtarie, e bashkëpunuese.
Ne këtë 20 vjetor u suprizova edhe unë, pasi mu dha titulli “MIRËNJOHJA E DUKAGJIT”, ky vlersimi maksimal që më erdhi nga lidhjet e mia shpirtërore e miqësore.
Një koktej fesiv i mbushur me adrenalinën bisedave e foto, por edhe nën mesazhin e ngohtë të sjellur nga z.Gjin Gjoli me urimin “Zoti i ruajt e i nderoftë dukagjinasit kudo që janë, e paqin oren e madhe përjtësisht”!
U ndjeva shumë i ngrohtë nën shoqërinë e gazetares Roza Pjetri e mikut tim Agron Hasanaj, por shumë të pritëshme ngacmimet e mikut tim në rreth 30 vite z.Prel Shytani, më të cilin vetëm debatin e kemi me zjarr, por dashurinë me njeri-tjetrin e kemi krejt miqësor e vllazëror.
Suksese Gazeta Dukagjini, urime Shoqates, Zoti i bekoftë Dukagjinasit anë e kënd botës!
