KUR DUAM NJËRI-TJETRIN
Dashurisë ia hapim rrugën e amshimit
Kurse botës ia hapim shtigjet e lumturisë
Oqeanet e mirësisë bashkë i pasurojmë
Me të bekuara pika njerëzie
Dashurie e lumturie
…
Garlate (Lecco), 15 janar 2011
NË MËNYRË PROFESIONALE
Shkolla e mbretërisë sonë
Ka një të vetme detyrë
Që t’i aftësojë të gjithë njerëzit
Për të kultivuar
Në mënyrën profesionale
Të bekuarën dashuri
Për t’i dhënë gjithësisë
Ardhmërinë e pafundme
Të lumturisë
Së njerëzisë
Garlate (Lecco), 15 janar 2011
VALO FLAMURI YNË
Valo Flamur valo
Me Shqipen dykrenare
Mbi trojet e shqipeve
Furtunat përballo
Bashkë me mua
Me motrën e me vëllain
Gjithmonë mbijeto
Në Prishtinë e në Tiranë
N’Gostivar e n’Elbasan
Në Shkodër e në Vlorë
Në Korçë e në Tetovë
N’Gjirokastër e në Ulqin
Në Preshevë e në Peqin
Në Prizren e në Durrës
Në Shkup e në Kukës
Në të jitha trojet tona
Flamuri ynë valo
Me Shqipen dykrenare
Gjithmonë mbijeto
Me mua bashkë
Me motrën e me vëllain
Furtunat përballo
Engjëll KOLIQI
Nogara (Nogarë) – ITALI
14 gusht 1997
