Pak aromë fshati
Pak baltë nga fshati dua …
Pak aromë trëndafilash bio të kuq,
Dua pak aromë pjergulle hardhie,
Nga ai amerikani me aromë si askush..
E dua bukurinë e fushave me grurë,
Lulëkuqet kryelarta nëpër ara,
Edhe pak nga pluhuri i rrugëve të tij,
zogjtë shtegëtarë kur janë në fluturim,
E dua hijen bio të ullirit,
kodrave dhe fushave, puhizën kur fryn,
Gjethet që bien duke rrotulluar ,
Sikur performojnë valsin e lumturisë..
Pak nga të gjitha, bukën, gjizën ,dhallën,
Edhe pak aromë nga pema portokallit,
Atë peizazhin e bukur të liqenit,
Ku ëmbël pasqyrohet rrezja e parë e diellit.
Dua lodrat bio, me hapa dollapa,
lojërat e thjeshta kur luanim me pafka,
Lojërat me litarë kur luanim në fëmijëri,
Pak nga bora e parë kur” zgjohej “në agim….
Për një kafe turke, si kafja me aromë,
Kur e përcëllonim në një qebaptor,
Bluhej me dorë në të voglin mulli,
Dhe në zjarr e zienim, shije mrekulli..
Për lulet e diellit si një perëndi ,
Për bletët punëtore mbi një trëndafil,
Për fluturat e bukura mbi lule kamomili,
Për këngën e ëmbël të zogjve kanarinë….
Pak aromë fshati më sjell kujtime,
Kujdesin e tepëruar të nënës time,
Të vëllezërisë tonë si deti, si mali,
për pak aromë babe se më dogji malli….
Orikum
Në parajsën e bregdetit,
Orikumi të jep jetë,
Valët lehtë lehtë vallëzojnë,
Përqafojnë rërë e breg.
Një puhizë lozonjare,
Sytë ti ledhaton,
Një freski nga mali deti ,
Oh çfarë mrekulli.
Thonë këtu i ke të tria ,
Detin, malin,fushën ,
Jodi,ajri të shëron,
Ky është deti Jon.
Qetësi, kaltërsi,
Dielli rrezaton,
E ku ka më bukuri ,
Ky është deti Jon.
Peizazhe fantastike,
Sa shumë vizitorë,
Orikum dhe Llogara,
S,ka si deti Jon.
E lodha detin
Sot , e lodha detin,
I mora jodin i mora qetësinë,
Fola, lodrova me valët lozonjare,
U zhyta thellë në zemrën e tij.
E mora pasqyrimin e diellit dallgëve,
Perëndimin e shijova me shpirt,
Fluturova me pulëbardhat joniane ,
Si një dron vëzhgova bukurinë e tij..
“””””””””””””
Ata sy
Tek ti…dua buzëqeshjen e dielltë çdo mëngjes,
Të jesh si hëna e bukur , e plotë,
Të dua si yjet që qiellin ndriçojnë,
dhe errësirës i japin fund …e sfidojnë.
Të jesh si lule e bukur, e selitur,
sikur kujdesur nëna që e ka rritur,
Çdo ditë ujitur , ushqyer me frymë e dashuri,
mëngjeseve të puthura nga vesa në agim..
Fluturimin tënd kurrë mos e ndal,
E lirë si një shqiponjë në ajri fluturo,
Se kështu të dua të jesh e vlerë,
Ata sy …ngjyrë toke të buzëqeshin përherë…
“””””””””””””””””””
Të kesh nënën pranë
S,ka si nëna dritëhëna,
Nëna është dritëargjenda,
“Thyen”gurë e “thyen” male,
Të ngroh nga dashuri e madhe.
Të mbulon me bekime,
Lutet, lutet për evlat,
Eshtë paqja dhe lumturia,
Nëna është vetë perëndia..
S,ka si nëna mirësia,
Më e ëmbla më e mira,
Një dashuri që lind me ty,
Dhe jeton në përjetësi..
Nëna ,nëna si mburoja ,
Dora e ngrohtë përmbi ball,
Përqafimi më i pastër,
E vetmja dashuri e rrallë..
E thërret dhe kur s,jeton,
E thërret kur ke gëzim,
E thërret kur ke trishtim,
Shfaqet ëndrrash si perëndi…
