KRAH HAPUR JAM
Onë e mbanë ku une shkoj
veç vëlla tanë më thirrin
me krah gjith më presin
mirse erdhe prej shqipnis
Mirë se erdhe prej trugut vjetër
e na solle aromën e nanës
na i ringjalle ndjenjat
në këto troje të çdo ane
Lartë brohoriste zani tyre
ushtojnë malet ,tunden brigjet
me krah hapur gjith më prisnin
ka ardh vllau prej shqipnie
E krah hapur jam kudo
në çdo cep të kësaj Shqipnie
edhe pse i ndarë me to
jena vllazën të një shqipnie
07 . 04 . 2021
“””””””””””””””””””
PSE NË DRENICË
Në Drenicë më çon zemra
aty ndjej dhe ngrohtësi
fill më ndizet edhe shpirti
ndjej të ëmbëlën dashuri
Eci rrugëve të Shqipnis
ndalem qëndroj bash në vend
edhe mendinet kur më ndalen
veç Drenicën prap përmend
Rri i ulur e shikoj
anë e mbanë çkad më rrethon
e në shpirtë ndjej boshllok
fortë Drenica më kërkon
E shpesh her ndeshem me vetin
ku dhe fillin spo kuptoj
po prap nis të pajtohen
zemra jem në Drenic qëndron
Ndoshta asht dhe iluzion
nuk ashtë kurr shaka
çkaf thotë zemra me vepru
Mat – Drenic bashkë me i ba
05 . 04 2021
“”””””””””””””
SHQIP PO FOL EDHE SHKUPI
Ilirada në këmbë u ngritë
bijve të saj jetë mu dhanë
emrat tyre lartë me i gjitë
në çdo cep anë e mbanë
Eci rrugës së Hasan Prishtinës
aty shoh dhe Adem Demaçin
nuk e lë dhe Nanë Terezën
bashkë me ta dhe Mithat Frashërin
Aty gjej dhe Azem Moranën
Bashë në shesh dhe Isa Boletinin
shohë dhe data historike
bashkë me ta dhe Zahir Pajazitin
Rrugëve të shkupit eci krenar
se aty shohë paraardhësit mij
aty gjej dhe Bajram Miftarin
me Bajram Currin at burrë malsis
Nuk harrohet dhe Ismail Qemali
për krah tij dhe Fari Fazlia
nuk harrohen bijtë e shqipes
kudo janë trojet mija
Nuk mbetet dhe Ymer Prizreni
burri besës dhe burrnisë
nuk shkagjohet dhe Adem Jashari
pushka e trimit në rrugë të lirisë
Në iliriadë jetë morën
emri tyre nuk vdes kurrë
sa të ketë shqiptarë mbi dhe
u prijnë trojeve me flamur
SHKASË
Vendosja e emrave të kontribuesve shqiptar në rrugët e sheshet e shkupit
01 . 04 . 2021
