Imazhe nga promovimi i librit “MINERA E TREPÇES GJATE SHEKULLIT XX” me autor Dr.SC.Mustafë Haziri nga Kosova.
Një studim me vlera ekonomike, shkencore, historike dhe kombëtare.
Prezantimin e librit e bëri Elisabeta Katijaj nga Dhoma e Biznesit të Diasporës Shqiptare.
Ne emër të Shoqatës Mbarëkombëtarë “Bytyçi”, Tiranë-Prizren, përshëndeti me diskutimin e tij, Av. Agron Isa Gjedia me pozicionin kryetar i shoqatës.
Interesante ishin pyetjet dhe diskutimet nga studiues dhe ekspertë të fushës së minieralogjisë dhe nga pjesëtarë të tjerë të pranishëm si: Muhamed Dauti, Dodona Qose Gani Lami Gani , Ing. Mark Pepkola , Gjergj Gecak Kosovë etj.
U recituan poezi me temë për “Mitrovicën”, nga poeti i njohur me origjinë nga Çamëria, Z. Namik Selmani.
Dr.SC. Mustafë Haziri i autor i librit bëri përshëndetjet e falenderimet e rastit, duke u uruar të gjithë pjesëmarrësve shumë suksese në impenjimet e tyre dhe shumë mirënjohje për prezencën në takim.
Në fund të veprimtarisë u realizuan edhe disa foto kujtim mes të ftuarve e Drejtuesit të “Qendra për Studim dhe Hulumtim Mitrovicë”, Kryetarit të Shoqatës Atdhetare Kulturore “Benda” Ferit Hoxha, Kryetarit të Shoqatës Mbarëkombetarë “Bytyçi”, Tiranë-Prizren, Agron Isa Gjedia, etj.
Pas përfundimit të suksesshëm të veprimtarisë, për të gjithë të pranishmit, biznesmeni, filantropisti dhe aktivisti i shoqërisë civile nga Gjakova, Gjergj Gecaj, shtroi një koktej në nje lokal të Qendrës Tregtare “TOPTANI”.
