LUM KOJSHIJA
“Çou njiherë, more dembel,
Shihe Lonin çka asht tuj bâ!
Ka lá rrobat e po i hap n’tel,
Lum kojshia për burrë që ka!
Ty t’asht kapë shpina n’divan,
T’i qorroj sytë televizori
S’pushon qeni tuj lehë ham-ham
Se kujton që i ka tretë i zoti”.
“Mos i mbledh, grue, vedit krande,
Nuk mund t’rri tu t’msue gjithmonë
M’len rehat, pashë jetën tande
Se qeni leh se don mish t’njomë.
Ba me e pasë unë gruen e re
Si kojshia, porsi fllanzë,
Ja kisha lá e ja kisha shtrè
E nji nga nji ja kisha hekurosë!”
