RRUGËTIM DASHURIE..
Nëpër minutat e orës sime
Jam e jotja edhe sot
Ndjek zërin e heshtur të dhimbjes
Dilemën e ditës
Të nesërmes që të ndjek
Hijesh të errëta memece …!
Me bukurinë e fjalës natës
Plaket ditë e trishtë imja
Të terej fyti
Ironija e zvarranikëve që vrap fsheh
Kur kokës floku u tret
Zëri i buzëqeshjes
Vegim skutave të dhomës imagjinueshëm ndihej..
Kënga e bukur në lahutë..
E
Vrapi të tmerronte rrugët…
Në përbindësh do të gozhdoheshe
Betuar në vete
Me dashurinë
Çadrave t‘huaja haje mishin tim ..!
Bushtrës i plastë shpirti
Dot nuk mësuan emrin tim
Ugurzezat…
Një ditë zvarrë do të tërheq dashuria
do qërrojë sy
Skutave të rrugës
Atyre pa kalimtarë
Me emëra të koduar për ,, artistë ,,
Dikush do vjedh vrerë…
Mordhicat do më mbysin
Edhe kur shpirti flakë digjet…
Heshtje e Hekurt…!
Pritje…!
E nesërmja ime
Mbushur shumë dashuri …!
Dashuri shpirti !
14.02.
MOS PËSHTYJ NË ËNDËRRËN TIME TË PËRHERËSHME…
I kam mbetur borxh këtij shpirti
Për vitet që ikën
Qindra herë më kishe përberë sy më sy
Unë besoja në yjet e qiellit se ti ishe ai vetë
Në rrezen e diellit që më ngroh
Fjalët e bardha i ruaj ende në kutinë e sekretit me dry në shpirt…
Pështyve në ëndrrën time të përhershme..
Zvarranikët u përbiruan vrimash rrënojave..
Nuk e di pse mbrëmë të pashë mbi kali të bardhë
Sot më ndjek djalli tejpërtej
Dua të të takoj
Ta shoh dritën e syrit që shkëlqen
Lumturinë e lexoj ballit tënd në rrudha
Jetën e tragjedisë nuk do t’ia falja as hasmit…
Dhimbjen ia fala gurit…
Në mes të hënës do flija me puthjen tënde në buzë
Të isha betuar dhe premtimin do ta mbaj ndrydhur në dry
Damarëve të gjakut ndiej mallin e dhembjen
Që të ndiej
Për të jetuar jetën!