SA LARG
Tre vite në punë çdo ditë me makinë,
Dhe njëzeteshtatë veç me biçikletë,
Nxjerr lapsin dhe bëj shpejt llogarinë ,
Se llogarinë vetes, secili ja bën vetë.
Sa larg paskam udhëtuar, sa larg,
Nepër rrugët e mërgimit, shpirtmjerë,
Me makinë dy herë botës përqark,
Dhe me biçikletë thuajse po dy herë.
Rënd e rënd, gjithkund duke bërtitur,
Tok me ëndrrën plot zhgënjim,
Me shpirt të vrarë,zemër të zhuritur,
Dhe me frymëmarrjen e vendit tim.
Por do vinë ajo ditë e bardhë, do vinë,
Kur shqipet të rikthehen tek foletë,
Me vrapin maratonomak si makinë,
Dhe hapin e nxituar si biçikletë.
Isuf Sokoli
Bolzano: Data. 25 nëntor 2022.
“””””””””””””””””””””””
GJYLISTANI
Pas e ndoqa dashurinë,
Kalova vapën e tufanin,
Më joshi me fizionominë,
U martova me Gjylistanin.
Hyri brënda zemrës time,
Si një ëngjëll, si një flutur,
Por u zhyta ndër mejtime,
Athua shpirtin e ka t’ bukur.
Gjylistani fluturon,
Porsi gjethen e merr era,
Babain e nënën nuk mi don,
Bukurisë i shkundet vlera.
Gjylistani, shpirtin e zi,
O një femër e pamend,
Gjylistani nuk don fëmijë,
Argëtohet veç me qen.
Tepër lart e mban hundën,
Shpërdoron pasurinë,
Gjylistani se don punën,
S’sheh familjen, as shtëpinë.
Gjylistani e pataban,
Don të ndalet krua më krua,
Mblidhe mendjen Gjylistan,
S’je më vajzë, je grua.
Gjylistani nuk mban besë,
E qortoj me zë bilbili,
Gjylistani s’njeh pendesë,
Qanë me lot krokodili.
Ç’bën kështu more aman,
Ç’bën kështu se më çmende,
Larg prej meje Gjylistan,
Sa më larg rrugës tënde.
Gjylistani plagë e vjetër,
Gjylistani e thyer, gastare,
Gjeta një Gjylistan tjetër,
Shijoj jetën familjare.
Isuf Sokoli
Bolzano: Data 19 nëntor 2022.
