SHQIPTARË HESAPI…!
Ekuilibër s’ka Kosova
Politika lesh harapi
Ndër shekuj kemi dhënë prova
Nuk thonë kot – shqiptarë hesapi..!
Kryeministri në një anë
Presidenti në një tjetër
Njësoj sikur në Tiranë
Trashigim, zakon i vjetër..!
Jemi komb ndër më të vjetërit
K’të e din e gjithë Europa
Duke i shpallë luftë njëri – tjetërit
Sot jemi të ndarë në copa..!
E ka thënë Fishta me rreshta
Poeti i madh kombëtarë
Ma parë mbledh i thes me pleshta
Se sa mblidhen dy shqiptarë..!
— — — — — — — — — — — —
Lulash Ara
MOS KËSHTU SE PO GABONI…!
Ju që ligjin e sfidoni
E nuk rrini në shtëpi
Mos kështu se po gaboni
Jeni njerëz, jo bagëti..!
E gjithë bota po rënkon
Kjo është luftë e thotë gjithkush
Kush rregullat nuk i zbaton
Tash po shkon si qëni në rrush.
Dëgjo o kopuk i mjerë
Që s’duron pa dalë për derët
Jetës tënde si jep vlerë
Po çfarë faji kanë të tjerët..!
Me shitë mënd jemi të parët
Rregullat i zbatojmë shumë pak
Se kuptoj, pse ne shqiptaret
Marrim vesh veç me dajak..!
Mund të thoni po e tepron
Por me jetën jo – nuk luhet
Shqiptari e ka zakon
Bën gjithmonë atë që s’duhet..!
Jam vërtetë i revoltuar
Por uroj të më kuptoni
Mos kështu o të uruar
Mos kështu se po gaboni..!
— — — — — — — — — — — —
Lulash Ara – Firence – Itali
