JETEN NA E JEP DHE MERR VEÇ ZOTI
Ranshëm klith toka n’thellsi.
Shpirtrat e humbur kerkojn drejtësi…
Femrat e vrame nga duart mizore,
Kerkojn drejtësi nga toka në vorre.
A ka drejtësi po klith kjo zemër…
A ka drejtësi për gjininë femër…
Kje shkrua n’kanun dikur moti
Jeten na e jep dhe merr veç zoti…
Ku shkoi burrnia si kje dikur
Me nder e bes e plot me nur.
U kthye n’katil të femres s’vet
Se s’pat guxim me jetuar si mret…
A gjendet drejtësi këtu mbi tokë
Kyt dor mizore me ndalua sot…
Me i than ndal ksaj padrejtsi.
Shpirtrat e humbur të gjejn qetësi.
Ah more zot si je mbi dhe
ka tret njerëzia ti a po e sheh .
Kerkojm drejtësi në kyt tokë
Kush ka prek femren ka prek në zot.
Kush ka guxim me dalun hapun
Dores mizore me ja dhanë hakun…
Ndaluni njerëz mëndoni pak.
Femres së shkret mos i hyni n’hak…
