KREDHUR ZAMBAKËSH…
Të harruar zambakët kredhur,
pragje mbrëmjesh në vesim,
kujtimet mbi petalet derdhur,
mornica humbjesh pambarim…
Sytheplasurat çelur në pafajsi,
shtigje-shpresat jasht’ këkojnë,
brymimi i mëngjesit në pabesi,
sinjale vuajtje pafund dërgojnë…
Kurth malesh mjergulla mbetur,
e pakokë zvarritur monopatesh,
gëzim-lindjeja petalesh e tretur,
pret sfidën e ardhjes së një nate…
Dhe nata zhurdhe mantel-shtruar,
mbështjell të bardhën pa mëshirë,
grusht jeta pastaj fort zambakuar,
kukafshehurazi kredhon…në delirë…
Luan Sheshi
: 18 qershor 2020…
GURGIM NËN SHI…
Dhe shiu udhën,
mësoi në Verë,
mes pikash rrudhën,
e shkroi çdo derë…
S’hesht Syu i Kaltërt,
mëngjes vesimesh,
shtegim i baltërt,
valëzim kujtimesh…
Lotojnë dhe gjethet,
lëfytit derdhur,
mornicat…ethet,
gurgimit bredhur…
Gurgim nën shi,
Sykaltërti nisur,
ç’të bej s’po e di,
mengjes i krisur…
Luan Sheshi
: 17 qershor 2020…
URA JETE…
Fill dy brigjesh,
e shtrirë një urë,
mbyllje shtigjesh,
shpin’ plot gurë…
Shpate malesh,
mbush me jetë,
ec…e s’ndalesh,
s’flen…e qetë…
Shekuj…vite,
myshk nën të,
fund një dite,
hesht r pa zë…
Sfida…fate,
not mbi ujë,
fund një nate,
agim pa bujë…
Luan Sheshi
: 16 qershor 2020…
