KUSHTUAR VENDLINDJES TIME TË DASHUR SINICË KORÇË ALBANIA
UNË JAM SINICAR”
Vazhdoj të eci,nëpër shtigjet e tua,
Malli më djeg, si një llavë vullkani,
Ka vite larg,që je strehuar tek mua,
Dashurinë tënde,s’ma jep Elbasani.
Oksigjeni yt, më jep frymëmarrje,
Qarkullon akoma, në dejet e mia,
Po flas me ty, a më dëgjon marje,
Për ty s’më shteron,kurrë dashuria.
Të dua me shpirt, si nëna fëmijën,
Vitet largohen,po dashuria shtohet,
Tek ty u linda, u rita e nisa betejën,
Sa herë vi,shpirti më mbrekullohet.
Lëkundem përherë,në djepin tënd,
Sa herë që vi dhe ç’mallem me ty,
Në zemrën time, ke zënë një vend,
Ai vend të përket,vetëm e vetëm ty.
Shpesh lundroj, në kujtimet e tua,
Dhe vrapoj sëbashku, me ato aty,
Do të thuash ti, se sa fort të dua ?!
Të kam përherë, në mëndje në sy.
Vitet le të ikin, ti ngelesh tek mua,
Udhë rëfyese,nëpër rrugët e jetës,
Siç të kam dashur, më fort të dua,
Kjo është gjuha ime e së vërtetës.
Po flas me ty, bukuroshja Devollit,
Sinica ime, që më nxorre në jetë,
Unë jam Sinicar, nga fisi Memellit,
Vendlindja ime, pasqyrë e vërtetë.
Besnik Memelli
20.05.2025
