= VEÇ NJË SHTIZË E NJË FLAMUR. =
===========================
Sot u ula në gjunjë para Shqipërisë e Kosoves
Si para dy motrave bija të një nane
A si dy krenat e asaj shqiponjes
Njëra me emrin Shqipëri ,tjetra Dardane.
I ndanë me zor larg kahmotit
Jo me shpirt por me kufi
Por stermbesat e Kastriotit
Dashurinë e ruajten në gji.
Pas një shekulli i pashë bashkë
Si dy motra në prehrin e nanes
Si dy krenat në t’shqipes rrashtë
Tuj shtue driten Diellit e Hanes.
Kostandin i parë Ismail Qemali
E pru motren e madhe më 1912
Kostandini i dytë Adem Jashari
Bashkë me UÇK e pru motren e mbet vetë.
Syperlotur e gji tharë në histori
Seç u pergjak nanëlokja jonë
Njenin sy e njenin gji per Shqipëri
Tjetrin sy e tjetrin gji per ty Kosovë.
Prap e kënaqur nuk asht nana
Dy motrat me dy shtiza dy flamurë
Derisa të kemi gjak nder vena
Të bashkohemi ja sot ja kurrë.
Nga varri u ngrit sot Ismail Qemali
E bani thirrje me at flamur në dorë
Nga varri u ngrit dhe Adem Jashari
Dhanë kushtrim :
Veç një shtizë e një Flamur
Nga Prishtina e deri në Vlorë!
Dua të kem edhe pak jetë
Ti shoh motrat bashkë te nana
Dhe sikur shtizë të bahem vetë
E Flamur zemrat tona të tana.
Mhill Marku
Lezhë: 27.11.2022 17:25
“”””””””””””””””””””””””””
VEÇ I VDEKURI NUK SËMURET KURRË
===============================
Në një fshat atje në malësi
Na u sëmurë rëndë një plak
Shumë u merziten njerzit e ti
Dhe pse ishte në t’shekullit cak.
Ndejti shumë kohë në spital
Me ilaçe e me shumë kura
U gezuan shumë se erdh gjallë
U gëzue fshati gra e burra.
Shkuan t’a shohin të ri e pleq
E uruen me shpirt e me fjalë
Shyqyr që ktheve per çke heq
E mos e pafsh më atë spital.
Unë spitalin prap e pafsha
Dua t’jetoj gjatë u tha ai burrë
Se i gjalli ndodh dhe sëmuret
Veç i vdekuri nuk sëmurët kurrë.
Mhill Marku
Lezhë: 26.11.2022 15:45
