Mirela Nasi

STOP dorës së ndyrë mbi botën kristal të femrës !!

Femra-brishtësia, mrekullia, dhembshuria dhe mirësia….Femra-vetë dashuria, ekzistenca jonë.Sa e madhe bota e femrës ! Sa e durueshme dhe tolerante ! Një çast i vetëm “çoroditës” përmbys gjithçka…e sërish femra-uragan force dhe durimi.As nuk dua t’a imagjinoj, ç’mund të ndodhë, nëse një cikje e “rastësishme”në dinjitetin e femrës, në maturinë dhe intuitën e saj, në karakterin dhe ndërgjegjen e saj, në etikën dhe kulturën e komunikimit, në vëmendjen dhe kujdesin për gjithçka…do të “shkelmohej”nga injoranca, opinioni primitiv, skërmitja ironike kapërdisur mbi poltronë fodullëku, nga “Uni” i arrogancës, nga “dehja”e jetës “moderne” nga…nga virusi bartës i “xhelozisë” së sëmurë, nga…nga “trimëria” karshi “dobësisë”së trashëguar…Bota nuk do merte frymë, asgjë s’do ekzistonte.
Përse o qenie njerëzore, nëpërkëmb atë që të solli në jetë !?
Përse ngrys vetullat, nxjerr dhëmbët e tregon grushtin, ndaj zemrës që pulson në merak për ty !?
Përse o njeri, ngre zërin dhe dorën,ndaj përkushtimit që të dedikon shpirti heroik i femrës !?
Përse dhunon e shkatërron atë që të mëkoi në një mijë e një sakrifica…duke u gdhirë me lotin e merakut për ty !?
Përse ç’do ditë…kronikë e zezë me dhunë e vrasje !?
Vëre dorën në zemër, ktheje vështrimin nga vetja, thirri arsyes e reflekto !
Ajo që ti përbuz, që i kthen kurrizin, që e godet pa mëshirë, është origjina e ardhjes tënde në jetë.Ajo është nëna, bashkëshortja, motra a bija jote.
Mos o njeri në ke zemër e Perëndi !!
Vërtet femra duron…ka botë e vizion…vërtet ka dashuri e dhembshuri…por bota e femrës ka më shumë forcë se ti, ajo di ta përdorë atë për përsosmëri civilizimi dhe evolucion.
STOP dorës së ndyrë mbi botën kristal të femrës !!
Përulje, vlerësim dhe respekt pa fund për nënat,motrat, bijat dhe partneret me botë plot dashuri e vlera !!