URIME 1 QERSHORI
Fëmijë të dashur
kudo që jini,
shëndet e lumturi
gjithmonë të keni.
Fëmijët me lodra
përherë argëtohen,
por edhe në shkollë
bukur mësohen.
Bota është e madhe
dhe ka fëmijë plot.
-Qofshin të hareshëm
përjetë e mot!
Në disa vende
lufta po zhvillohet,
të gjithë fëmijët
çdo ditë po trishtohen.
Kisha dëshiruar
që kudo në botë,
fëmijët të jenë t’lumtur
mos të derdhin lot?!
Fëmijë të botës
u rritshi me gëzime
është ky urim
prej zemrës sime!
Gëzofshi gjithmonë
shëndet e lumturi,
paçi suksese
në secilën lëmi!
