SE JE NË MAKINË ,TI ,PO HARROVE …
Ti që makinën e nget çdo ditë
E fluturon me shpejtësinë e erës
A s’mundesh ti ,veç pak me pritë ?!
Nga shpejtësia shkon n’fund të humnerës
Përse nuk ke kujdes ,ti , për veten ?
Dhe për të tjerët , ti nuk mendon
E s’e vlerëson sa duhet jetën
Kur mendjen s’e ke aty në timon
Harron se jeta është shumë e çmuar
Kur ti ,makinës i shton shpejtësinë
Se ke n’dorë jetën e ke harruar
Kur ti çdo ditë e nget at’ makinë
Ule shpejtësinë aty ku duhet
Alkoolin në gojë ,kurrë mos e ve
Jo ,jo me jetën nuk mund të luhet
Se po të iku nuk kthehet më
Ec me kujdes , ule shpejtësinë !
Se jetën e njerëzve ti ke në dorë
Jo me nxitim kur je në makinë
Le t’shtohet rruga edhe një orë
Kur je me shpejtësi ,afrohesh drejt vdekjes
Në t’dhjetën e sekondit ,nëse gabove
Jetën shkurton tjetrit e vetes
Se je në makinë , ti , po harrove
Dava Gjoka Lleshaj ,Tiranë 6 Maj 2023
DORA E NANËS ME EMRIN MARI’
Sot mora një dhuratë të shtrenjtë
Nga një nanë që veç emrin ma di
Për mua do të mbetet e shenjtë
Nana me emrin Mari’
Vetëm emrin më ka dëgjuar
Kur binte fjala në atë shtëpi
Se nana është e moshuar
94 vite i mbush tani
Nipi ia kishte lexuar një timen poezi
E nana e quante kangë
Nga duart e arta më bëri sajdi
Një palë çorape e mira nanë
Dhuratë për mua ,kjo, shumë e rrallë
Nga nana që punoi çorapet e mija
I putha nga larg ,unë,duar e ballë
Të mirës nanë me emrin Maria
Dhe pse vitet në shpinë i ka
Kjo nanë e mirë e nanë fisnike
Edhe pse mua ,kurrë s’më ka pa’
Din me sajdis kjo nanë sojnike
Se i ruan nana zakon e traditë
E nuk harron prej nga ka ardhë
Se rrënjët e saj janë në Mirditë
Tek nana bujare me shpirt të bardhë
Çorapet e nanës, n’sirtar do t’i mbaj
E do t’i ruaj me dashuri
Se i ka punuar dora e saj
Dora e nanës me emrin Mari’
Dava Gjoka Lleshaj , Tiranë ,4 Maj 2025
