Shko mbytu në Adriatik!
Ka shumë prej atyre mes jush që më shkruajnë lloj lloj urimesh, por më e bukura është; “shko moj mbytu në Adriatik, shushkamëne”.
Me të drejtë ju thoni mos e vrit mëndjen, varu qillot, nga inati e kanë, disa nga halli, disa nga çorba, disa nga pagesa, disa s’dinë ç’bëjnë.
Nuk keni faj, ashtu është, por unë jam në hall të madh, sepse funksionoj në bazë të parimit, “vegjëlia urdhëron ne vetëm zbatojmë pa diskutim”.
Gjendem në një vështirësi, dilemë të madhe, të zgjidh këtë kriptogram, çfarë të bëj?
Të mos ia dëgjoj fjalën vegjëlisë është pabesi, tradhti, por edhe nëse e dëgjoj nuk u plotësohet dëshira se Adriatiku është i cekët e s’më mbyt. Unë çdo vit shkoj, por më nxjerr në breg. Prandaj që t’a zbatoj duhet të shtoj sasinë e ujit në det diçka e parealizushme dhe jo realist për momentin, ose përndryshe më jepni zgjidhje si të veproj?!
Prandaj faqelibrat e mi të dashtun si thoni, ç’mendim keni??
Jam në hall të madh..jo shaka!!
