NJË SHPIRT E NJË ZEMËR
U deha prej teje,
Më dehu magjia,
Gëzim hareje,
Nga lumturia.
S’dua të fle gjumë,
Vetëm të rri zgjuar,
Me puthjet shumë,
E zjarrin e pashuar.
Me flokët prej argjendi,
Shikimin si vullkan,
Me krahët prej shpendi,
Ç’më ndeze, o xhan.
Ç’më bëre, më pushtove,
Me t’ëmblin përqafim,
Sa ëndrra më zgjove,
Dhe puthje pambarim.
Sa çaste lumturie,
Të veshura me kurorë,
Sa zjarr dashurie,
Në zemrat meteor.
Sa shkëndia zjarri,
Fluturuan nga dhoma,
Gjëmonin si i marri,
Nga puthjet e aroma.
Kohës i vemë cak,
I jepnin jetë magjisë,
Të kuq, të kuq si gjak,
Në gjakun e dashurisë.
Të verdhë asnjëherë,
Rrethuar ngjyra ylberi,
Në shi dhe në erë,
Të ëmbël si sheqeri.
Në ngricë e furtunë,
Një trup e një emër,
Në jetë e në punë,
Një shpirt e një zemër.
Isuf sokoli
Bolzano: Data 18 maj 2025.
KUR TË PUSHTON DASHURIA
Sa zjarre ndizen në botë,
S’kanë të numëruar,
Të gjithë mbidhen në një gotë,
Në gotën, të dashuruar.
Në gotën e dashurisë,
Të thella, sa një oqean,
Në prëhrin e lumturisë,
Gjithë botën brënda mban.
Me këngë e jehona,
Nën rrezet e arta,
Dashuri me miliona,
Puthje me milarda.
Vrapojnë e s’veniten,
Vrapojnë me nxitim,
Gjatë rrugës rriten,
E marrin veç shkëlqim.
Rriten e shumëzohen,
Kapërcejnë edhe detin,
Më, as që numërohen,
E sundojnë planetin.
Marrin veç shpejtësi,
Ja rrisin këngës zërin,
Me zjarr e dashuri,
E pushtojnë të tërin.
Dielli ndriçon më shumë,
Hëna më shumë ndrin,
Dhe netët me gjumë,
Shpalosin magjinë.
I bardhë vjen agimi,
Kaltërsohet qielli,
Nga puthja e përqafimi,
Buzëqesh dhe dielli.
Ndodh një mrekulli,
E bekon Perëndia,
Bota bie në qetësi,
E rrethon dashuria.
Isuf sokoli
Bolzano: Data 14 maj 2025.
DASHURIA S’NJEH MOSHË
Jam ai që jam,
S’mund të bëhem tjetër,
Sa dëshira kam,
Dhe pse i vjetër.
Mendoj e mendoj
Dhe e nisi hapin,
Startin e fitoj,
Hapi nisë vrapin.
Rendi nepër ditë,
Rendi nepër natë,
Siç rendin dashuritë,
Me ndjenjën e zjarrtë.
Lodhem, pëpëlitem,
Rrugën e vazhdoj,
Si flamur valëvitem,
Vashën e dashuroj.
Rruga m’ bëhet dritë,
Dimri m’bëhet verë,
Nata m’bëhet ditë,
Muzikë mbi tastierë.
Zemra ime flakë,
Zjarr e shkëndija,
Në je i ri, o plak,
S’pyet dashuria.
Zemra sa lëngoka,
Loti pikon gëzimin,
Ashtu sikur toka,
S’e ndal rrotullimin.
Merr krahë e shpejtësi,
Ngrihet lart në qiell,
Drejt për në yjësi,
Kalon hënë e diell.
Isuf sokoli
Bolzano: Data 10 maj 2025.
