LAMTUMIRË VOGËLUSH
BY:Softa Bruna
Breshëri lotësh njomën tokën
Kur shpirti jot u ngrit lart në re
Sytë e tu të bukur s’e shohin më botën
Trupi jot i njomë mbuluar me dhe.
Banga e shkollës mbeti e shkretë
Dhe nëna si qyqe e vetme vajton
Sa pak e gëzove vogëlush këtë jetë
Vogëlush erdhe dhe vogëlush mbete përgjithmonë.
U prehsh në paqe o shpirt i vogël
Në mbretërinë e zotit ku s’të prek askush
Kujtim do mbetet çdo fjalë e jotja dhe lodër
Lamtumirë shpirt i vogël, lamtumirë vogëlush.
Fli vogëlush dhe gjumë të ëmbël
Mbi pambukun e reve fshehur prej diellit
Mos u tremb kur monstrën ta shohësh në ëndërr
Se ai i perket ferrit dhe jo qiellit!
(B.Softa)
Dedikuar djalit të vogël 8 vjeçar që u vra nga dora e mallkuar e monstrës!
Nga Amerika përtej oqeanit shpreh dhimbjen dhe ngushëllimin tim familjes së vogëlushit 8 vjeçar!
U prehsh në paqe zemra e vogël!
Dënim me vdekje për mostra të tilla
“””””””””””””””””””””””””
UNË DHE QENI
Një ditë të mërzitur qeni më pa
U drejtua nga unë dhe dy fjalë m’i tha
“Përse sot je mërzitur kaq shumë?
Kur ti mërzitesh, mërzitem dhe unë.
Më thuaj çfarë gabimi kam bërë t’a di
Pranoj dhe dënimin që do t’më japësh ti”
E pashë qenin dhe i ktheva përgjigjen
“A do t’a dish përse mërzitem?
Ka disa njerëz që ti nuk i njeh
Të duken të mirë nga jashtë kur i sheh
U zgjata dorën dhe m’a kafshuan
I besova dhe më tradhëtuan.
Tani më dhemb plaga e kafshimit
Vështirë të dalloj fytyrën e njerëzimit
Prandaj mërzitem o qeni im i mirë
Të jesh njeri në këtë botë,
qenka shumë e vështirë”.
Pasi qeni këto fjalë i dëgjoi
Uli kokën dhe lot nga sytë lëshoi.
“Mos u merzit- tha-o njeri i mirë
Të ruaj unë nga çdo egërsirë.
Gabim kur njerëzit më shajnë qen i pabes
Unë për njeriun jetoj dhe për atë vdes”
E mora qenin në krahë dhe dy fjalë i thashë
“Për mua je miku im besnik dhe jo kafshë”!
(B.Softa)
