Me rastin e 29-vjetorit të shkuarjes në amshim të mësuesit të popullit Enver Kapiti..
IKE SHUMË HERET o miku im i mirë
Pas vetës le shumë dhembje e pikëllim
Sa shumë ëndrra pate thurur për jetë
Ato u këputën si meteor në atë kallnuer
Që pate shkruar me ngjyrën e gjakut
Të dua LIRIA ime e shtrenjtë
Nxënësit gjatë mbajtën në mend
Këtë fjali kujtimi të shkruar
Vlimeve historike kurrë s’iu ndave
Por në ballë qëndroje si trim
68-ta 81-ta dhe 89-ta të gjetën me sytë zjarr
Për lirinë e shtrenjtë të atdheut
Edhe sot ndiej dhembje
Miku im i.dashur për Ty
Kur ike pa lamtumirën e fundit
Në atë dimër të acartë
Sa shumë ndiej dhembje
Shpirtin juaj i zhuritur
Nuk arriti ta gëzojë lirinë e ëndrruar
6 shkurt 2020
MERRE KËTË GUR stralli
Farkoje për ashtin tim
Le të ndezen yjet e natës
Dritë le të bëjnë në errësirë
Ka vite që agimet lindin të kuqrremtë
Me dhembje të shpirtit trazuar
Merre rrugën e ecën drejt lumit
Mos u ndal në kthesën e parë
Duhet sa më parë te arrijmë
Atje te guri i ndarjes të moteve
E të.vëmë këmbë mbi atë gur
Le të gjuajnë rrufetë edhe ditën edhe natën
Është rruga jonë e gjatë
Që jemi nisur në drejtim të detit
Për një bashkim të përmallshëm
Për gjakimin tonë të ndrydhur jetësor
Ec e mos u ndal miku im
Le të çmendej bota e çmendur
Se ne shekujt i lam pas
Duke kërkuar bashkim të vonuar
6 shkurt 2020
MERRE PRUSHIN e zemrës sime
Shpërndaje cep më cep trollit
Le të përhapej dashuria për dritë
Ajo dashuri e zjarrtë lirie
Le të çmendej bota e arnuar
Fjala e fundit mos të na mbetej regëtin shpirti
Merre rrugën atë rrugë të thepisur
Le të përkujtohen vuajtjet e etërve tanë
Që bënin rrugë të gjatë mundimi
Për të gjetur fjalën e besës
Që doli nga jehona e krismave
E kurorëzua me fitore të madhe
Por mos harroni se rruga jonë
Ishte e shtruar me driza e jo me lule
Që u la me gjakun e trupit
2 shkurt 2020
