Nepërkë me pika.
Nepërkë me pika,
Mos të zëntë e liga,
Jashtë porte të prita,
Natën çe gëdhiva,
Derisa zbardhi dita.
Prapa perdes rrije,
Të shihja atë hije.
Ngrije perden, ngrije,
O nur vashërie,
O vesë bukurie,
Gështenjkë me shije.
Hape atë dritare,
Flutur lozonjare,
Moj shqerkë manare!
Dritën, ndiz e shuaj
Seç po lot me mua,
Dil moj zbrit e thuaj,
Veç fjalën të dua.
Nepërkë me pika,
Mos të rrëntë e liga,
Po më derdh në zëmër,
Helmin pika pika,
Po më vdes ngadalë,
Folëm veç një fjalë,
Mos mundo azganë!
Ndiq natë dhe ditë,
Shumë e durova,
Pa çi zura pritë,
Në gjoks e shtërngova.
Seç ju drodhën gjinjtë,
Gjinjtë dhe kërcinjtë,
Si gjethkë këputur,
Më dha një të puthur,
U ndez si thëngjillkë,
U ndez si thëngjilli,
E ndezi bandilli.
Buzë gjolit e çova,
Më ujë çe freskova,
Me ujë prej gjoli,
Me burim Driloni.
18/7/2021 RSH
