Heshtja që flet ..
Më shumë se një mijë fjalë
***************************
Me heshtjen tënde
Ti më bën të çmendem .
Neuronet e trurit
nuk e di me çfarë mi përzjeve .
Krijove atë masë homogjene ,
që nuk kuptohet çfare asortimentesh
ka në brëndësi të tij.
Ka masë ekzaltimi shpirtëror ..!
Sherife Malo Allko
15 .02.2020
Zemrat në flakën e dashurisë
******************************
Zemrat kanë marrë zjarr
në ditën më të bukur të Shën Valentinit .
Flakët e dashurisë janë perhapur
në të gjitha indet e shpirtit të dashuruar .
Askush s’mund t’i shuajë !
Jo…askush nuk mundet .
As Deti ,as shiu ,as luksi .
Dashurinë e vërtetë e shuan
vetë dashuria .
Sherife Malo Allko
14.02.2020
DRAGOI I KUQ
***************
Zjarr vjell dragoi i kuq
Botës fatkeqe i vjen vërdallë
nëpër trup e nuk i shqitet .
Do patjeter mbret të jetë
Famëkeqi do botën të sundojë
E shoh para meje me syte e kuq
Sulmon e vjell zjarr,hidhet e përdridhet,
por bishtin e vet kafshon deri në dhimbje
Pasqyrimi i kohës në pellgun ku dielli ngroh
notojnë të frikësuar hijet nga rreziku ,
por unë si shigjetë hidhem drejt tij ,
dhe zemrën kuçedrës përmes ia çaj .
Koha e dragoit shkatërrues mbaroi .
Çdo gjë përreth lulëzoi si përherë
Jeta vazhdon rilindjen saj përsëri ..
Sherife Malo Allko
Tirane 10 .02.2020
