KY SHEKULL ENIGMATIK
**************************
Ty,o shekull njëzet e një të mallkoj !
Të mallkoj dhe të urrej me mijra herë !!
Na erdhe dhe veç të liga na solle
Vrave ,helmove, dogje çdo gjë mbi dhe !
Mallkuar qofsh o shekull njëzet e një !
Stivë bëhen kafshët e vdekura të pafaj
Në vorbullën e ujit që ngjit për trup ,
janë ngrirë përjetësisht ngërdheshjet .
Të urrej me qindra herë ty shekull
Kur shoh të mbyturit mbi det .
Të mbijetuarit mes ujit të pafund
të shpresave të djeshme !
Varret e fryrë mes ankthit të pjelljes !!
Ti,O shekull njëzet e një,shkofsh në djall
Dhe gjethet e vyshkura nëpër dega
varen si një e ligë nga frika jote .
Këtu kërcen makthi nga virusi famëkeq .
Kërcen ti o shekull me të ligat e tua
Ne nuk këndojmë , nuk festojme ditëlindj
S’mund të vrapojmë , kur shpirti vdes që në lindje .
Mesnatë .Asgjë s’pipëtin , përveç ti o shekull njëzet e një …!!
Sherife Malo Allko
14 .03 .2020
Dashuri në kohën e kolerës “Korona virus ”
***********************
Duhet ,me doemos të dal ,
dashurinë time të takoj
Rregulla të forta , drastike
u vunē në këtë kohë kolerë ,
Por “Ai “më pret me padurim !
Më pret nē fund të shkallëve
se zemra se pyet ..
Zemra e pabindur ,Buçet !
Gjaku i rrjedh ndër deje rrufeshëm ,ndalim s’ka .
Më ulet në gjunjë , më lutet ,
sikur të isha një shenjtore ,
që bën mrekulli hyjnore .
Të paktën një shëtitje, të lutem !
Tundohem , por vendos ;
Kolerën ta sfidoj ;
me dashurinë e shpirtit tim .
Të dashurosh në kohën e kolerës ,
është triumf ….!!
