GJASHTE SHEKUJ PA U PARE..
Ti m’ erdhe sot, pas gjashtë muajësh
ashtu e malluar, si përher, nënoke
Kushedi sa ka rendur në k’to vende të huajësh
gjersa më gjete , s’të mbante dheu i asaj toke!
Hadit, do t’i kesh mar leje për një natë
se varri i zi, s’ta nxinte dot mallin
S’mund të prisje më, u bë kohë e gjatë
gjashtë muaj pa u parë me djalin .
Dhe unë t’u derdha në krahë i malluar
oh nënoke, gjashtë shekuj që s’je
– o bir – më the – kjo është e shkuar
si për të gjithë vdek’tarët mbi dhè –
Zgjohem vërtik, të t’përqafoj më fort
por rreth e rrotull veç errësira mbretëronte
Jastëku ishte gjemisur si një gjolë me lot
s’di të kujt ishin, lotët e mi a të tutë, nënoke .
Skender Lazaj 13 Shkurt 2020
UNE U KTHEVA KU KAM RRENJET
Unë u ktheva ku kam rrënjët
të këndoj dhe për ju këngët
Këngë malli këngë shpirti
për vendi-në që na rriti!
Refreni
Ja kështu si sot ju dua
të këndoni ju me mua .
Ikni siç ikën një ëndërr
vendlindjen merni në zemër
Këngë-të me mallë shumë
i këndoni edhe në gjumë.
Refreni
Ja kështu si sot ju dua
të këndoni ju me mua .
Krahë hapur pret vatani
të këndojmë këngë tabani
Këngët që këndoj i pari
që nga djepi gjer te varri
Refreni
Ja kështu si sot ju dua
të këndoni ju me mua .
Mirë se erdhët o vëllezër
se s’i dihej gjer nesër
Pa këngë s’mund të duroja
pritja o të lumtë goja
Refreni
Ja kështu si sot ju dua
të këndoni ju me mua .
Ky tekst është krijuar enkas per nje person te veçante me te cilin jemi rritur senashku dhe qe këngën labe e qan fare, Ai është Luan Malko
Skender Lazaj Trebeshina
