BACË U KRYE TË PATËN THËNË…
1.
-Bacë u krye të patën thënë
O Komandanti Legjendar Adem Jashari
Po sot pas njëzetë-vjetësh qe u bën
Ty Bacë dhe dëshmorëve te tjerë
Po ju lëkundin eshtrat në varre.
-Evropa dinake bashkë me armikun
Më idhullin e Milloshit, Vuçiçin
Që me çdo çmim po punojnë
Për ta njollosur vlerën me sublime
Ushtrinë e Lavdishme Çlirimtare të Kosovës.
-Si e duron toka këtë padrejtësi
-Që çlirimtarët në burgje e kriminelet në liri ?
-Jo nuk u krye Bacë, jo nuk u krye o Bacë
Po na i arrestojnë çlirimtarët çdo ditë
Po i arrestojnë pse luftuan për liri e çlirim
Pse luftuan për mbrojtje të fëmijëve e grave
Po i arrestojnë pse e mundem përjetë Serbinë.
-Sot desha me të pyet o Komandanti ynë
O kryetrim, a jeni ringjallur si shqiponje
Nder male tona dhe po bëni roje.
-O Baca Adem, sot po na akuzojnë
Me dëshmi të shpifura e me padrejtësi
Vetëm këtë borxh nuk i kishim Evropës
Qe po na i burgosin pjesëtaret e lirisë
Po i burgosin trimat e UÇK-së.
2.
-Bacë për liri dhamë gjithçka nga vetja
Dëshmorët nuk kursyen as jetën për liri
Luftëtarët një copë bukë këmisha me gjak
Qëndruan në malet e atdheut duke luftuar
Luftuan për liri të atdheut për nder të popullit.
-UÇK-lindi nga populli dhe luftoj për popull
Mbrojti më pushkë tokën e Dardanisë Antike
Triumfoi në fitore me ndihmën e shteteve mike.
-O Bacë ende nuk është krye
Populli i Kosovës është duke duruar
Litarin rreth fyti janë duke na e shtrënguar
Çlirimtarët do ju tregojnë e do dëshmojnë
Se jemi ne përgjithmonë paqësore
Ne ishim viktima dhe jo agresor.
-Ne qe e deshëm lirinë dhe duam ta gëzojmë
Nën flamurin kuqe e zi qe e lamë më gjak
Po të jetë nevoja do mblidhemi me besa besë prap.
Le të di mirë Evropa plakë
Nëse na jepet kushtrimi ne luftojmë prap
Luftojmë për atdhe e për Trojet e mia
Për të mbrojtur tokën e të jetë mbi kokë
Shqiponja mbi ato kulla të jetoj e lirë.
Në Kosovë kemi lindur e për të biem dëshmor
Nëse e kërkon atdheu bëhemi lule të kuqe gjaku
Nëse na thërret nëna e motra nëse bie në vaj
Ne do mblidhemi si dikur të gjithë do jemi në radhë
Do bëhemi serish ne të gjithë ushtaret e saj.
3.
-Baca Adem, unë po shkoj nga këtu
Ty po të la të prehesh i qetë në tokën tënde
O kryetrim, isha e mërzitur doja me ty me fol.
Luftuam e lirinë e fituam më gjak
Ngritëm nderin e dinjitetin tonë njerëzor
Sot po na trajtojnë sikur ne bëmë krime e maskara
Jo Serbia fashiste mbi popullin liridashës tonë.
-Ku është drejtësia në botën demokratike
Po pse barbarët fashistë nuk gjykohen
Por viktima po merret në pyetje ?
-Pse duhet heshtur populli ynë
Pse duhet dënuar ne qe e duam lirinë
Pse duhet dënuar ne që luftuam për drejtësinë
Zgjohuni o shqipe male flisni më zë të lart
Sot nuk duhet të gjykohet liria e Kosovës
Liria e atdheut është fituar më gjak.
-Çlirimtar mbanë kokën lart
Ne të gjithë populli jemi sot me ju
Ne besojmë në luftën e në pafajësinë tuaj
Ju presim vëllezër të ktheheni faqe bardhë
Ju presim të ktheheni fitimtar e në ndritësim
UÇK-ja është liria dhe gjaku i atdheut tim.
-Ne botës dhe më parë i treguam qe jemi paqësor
Dhe kësaj radhe do dëshmojmë qe jemi çlirimtar
Luftën dhe gjakun e dhamë për nënë Kosovë
Ne do triumfojmë të tregojmë qe jemi atdhetar
Për atdhe të lirë kemi dhanë çdo gjë e do japim
Qe njëherë e perjete atdheu ynë të jetë sovran.
-Rroftë Kosova jonë e pavarur dhe sovrane
-Rroftë i gjithë kombi liridashës shqiptar
……………………………………………………….
# Autore e vargjeve “ Shqipe Hasaj
Zvicër, 06 nëntor 2020
