UNË E TI
Syrin vonë ma paske çel
Dhe pse rrezja e diellit ra
Ky merak nga zemra s’del
Veç një herë , unë, ty me t’pa
Ti më pret, syrin me m’pa
Unë ta shoh syrin kur fle
Syni yt si diell më ra
Bashkë me yjet që ti ke
Një merak veç kisha unë
Një herë synin me ta pa
Veç një herë e jo ma shumë
Se me ty kam ra n’sevda
Çele pak atë cep të bluzës
Të t’i shoh hiret e tua
Të ta puth cepin e buzës
Ato janë melhem për mua
Eja pra afrohu pak
E ta puth të bukurin sy
Se nuk është aspak mëkat
Që bashkë duhemi ,unë e ti
Sa filloi drita me ra
Dhe bilbili me këndue
Syri im kërkon me t’pa
Pa ty drita s’më vjen mue
Edhe unë ,ty,po të prisja
Të më sillje diell me rreze
E me vete ,unë po flisja
Kur po m’vjen ma e mira meze
Ja ku erdhi edhe mezja
Shpirtin mbush me dashuri
Edhe mua m’erdhi rrezja
Si flori më shkëlqen ti
Të dy bashke dua të rrimë
Se pa ty s’ka kuptim dita
Të ta fal ,unë ,dashurinë
Në mëngjes herët të prita
Dava Gjoka Lleshaj , Tiranë 17 Korrik 2022
DUKE ECUR KUTURU !!!
Si na erdhi kështu kjo jetë ?!
Me u nda njerëzit për së gjalli !
Të sheh tjetri e s’të flet
Dhe pse ty të ka marr malli !
Vendos maskën deri n’sy !
Kokën ulur deri n’tokë
S’don t’ja di askush për ty
E me gojë një fjalë s’ta thotë !
.
Vazhdon rrugën krejt serbez !
E s’të flet jo ,jo askush
Nuk të thotë as “mirëmengjes “
Se ka frikë nga një virus !
Zbardhet dita ,erret nata !
Sjell ndërmend kohën e vjetër
Njerëz të ngrirë dhe kur vjen vapa
“Jetë moderne ” e kohë tjetër !
Disa njerëz i ka vrarë luksi !
Ca të tjerë vret varfëria
T’gjithë njësoj i vret virusi
Veç ju rroftë pasuria !
T’gjithë do ikim nga kjo jetë !
Ah ,ç’na bëri ky virus
N’funeral veç dy,tre vetë
E nuk shkon tjetër askush !
E unë çdo ditë veç i ndërroj hapat !
Hiç pa e ditur se për ku
Trak e truk kërcasin takat
Duke ecur kuturu !!!
“””””””””””””””””””
SA T’KETË DIELL E SA T’KETË HËNË …!
Sikur Bota të shkatërrohet
E retë, qiellin , krejt ta nxijnë
Sa ti bjerë dielli ,tokës
S’mund ta vrasin dashurinë !
Sa t’ketë natë që mbulon dhenë
Sa t’ketë yje në gjithësi
Sa t’ketë diell e sa t’ketë hënë
Do t’rrojë fjala DASHURI !
“””””””””””””””””””””””
ZËRI YT E DORA JOTE
Zëri yt i ëmbël, nënë
Më vjen prapa kudo t’jem
Edhe pse me ty nuk jam
Gjithmonë pranë unë do të kem
Larg prej teje këtu n’ mërgim
Zërin tënd e kam me vete
Je ilaç për shpirtin tim
Ti krijesa e kësaj jete
Kudo jam ,them emrin nënë
N’mëngjes herët pa dalë drita
Edhe natën kur s’ka hënë
Prap nënë them ,se nga ti linda
Zëri yt e dora jote
M’shëron shpirt e m’shëron plagë
Asgjë tjetër prej kësaj toke
S’më shëron dhe pse t’kam larg
Je më e mira
e kësaj bote
Ti je diell e ti je hënë
Je ndriçimi i kësaj toke
Moj e shtrenjta ime nënë
Nënë për ty më dogji malli
E s’po mundem të duroj
Për ty nënë botën e fali
Veç një herë të t’përqafoj
